ENTU SPORTS

ENTU SPORTS
PREMIER LEAGUE
Zanin Inkhel tur
Tottenham v QPR, 16:00
Monday, 31 October 2011
Stoke v Newcastle, 20:00
Saturday, 5 November 2011
Newcastle v Everton, 12:45
Arsenal v West Brom, 15:00
Aston Villa v Norwich, 15:00
Blackburn v Chelsea, 15:00
Bolton v Stoke, 15:00
Liverpool v Swansea, 15:00
Man Utd v Sunderland, 15:00
QPR v Man City, 17:30
CHAMPIONS LEAGUE
Tuesday November 1
16:00 Zenit St. Petersburg v Shakhtar Donetsk Petrovskiy
19:45 Racing Genk v Chelsea
19:45 Valencia v Bayer Leverkusen
19:45 Arsenal v Olympique Marseille
19:45 Borussia Dortmund v Olympiacos
19:45 APOEL Nicosia v FC Porto
19:45 BATE Borisov v AC Milan
19:45 Viktoria Plzen v FC Barcelona
Wednesday November 2
19:45 Villarreal CF v Manchester City
19:45 Bayern Munich v Napoli
19:45 Internazionale v Lille OSC
19:45 Trabzonspor v CSKA Moscow
19:45 Benfica v FC Basel

19:45 Man U v Otelul Galati
19:45 Ajax v Dinamo Zagreb
19:45 Olympique Lyon v Real Madrid

Read more »

CONFERENCE THUNAWI

Pu Laldanmawia N.Vanlaiphai Branch chu khawmpui hmang tura thleng hmasa ber a ni. Pu K.Malsawma, Kum 50 Maubuang Branch chu 1982 atang khan chat lak miah lovin Conference hi kalin kumin hi  Vawi 29 a kalna ani. Kumin conference ah hian Pu Khuangringvunga Kum 92, Kanan, Aizawl chu Palai kal zinga Upa ber a ni. A bak te chu kum 90, 86, 82, 79, 74, 72 leh 70 te an ni hlawm bawk.Tun tum hi Kolasib in YMA General Conference a thlen tum thumna a ni. Kumin Conference inbuatsaih nan hian Rs. 25,25,060/- hmanral ani.

Read more »

YMA GENERAL CONFERENCE A TIAK TA

Khawbung the 30th October, 2011: 6Mizorama Pawl lian ber YMA, General Conference Vawi 66-na chu Dt. 25 – 27, Oct, 2011 chhung khan Diakkawn Field, Kolasib khawpui ah ‘Khawtlang Nun Siamthat’ tih thupui hmangin neih a ni.

    General Conferece report tlangpui hetiang hi a ni :-
    Khawbung Br atangin mi 8 te kalin, thawhtan khan Kolasib panin liam thlak a ni a, Tuipuiral Group atangin Bus pahnih hman a ni.
    Tun dinhmun ah YMA hi  Sub-Hqrs. 5, Group 46 leh Branch 783 an awm mek a, member hi Mipa 220518, Hmeichhia 150026, Total 370544 an awm mek a ni. Life member  8581 an awm bawk. Hruaituhlun chawimawina dawng tawh mi 1988 an awm a, kuminah hian mi 109-in an dawng thar bawk ang.
    Kum 2010-2011 chhunga pawisa dinhmun hetiang hi a ni. Hmuh zawng zawng Rs. 1,10,21,993.00 hmanral Rs. 1,09,36,701.00 Balance Rs. 85,292.00 a ni.
    Kum hmasa leh kumin conference inkar a member boral zat report lut chu mi 529 an ni.
    Rorel Inkhawm hi Ni 26.10.2011 (Nilaini) dar 10:00 ah tan a ni a. Palai  mi 1511 in ro an rel ani. Kum 2011-12 atana Budget (Hmuh tur 8,036,588.00 - Hmanna tur 8,036,588.00) a pharh chu pawm a ni a. Kumpuan atana rawtna pahnih - "Khawtlang Nun Siamthat" tih leh "Ram leh hnam humhalh" tih chu ban phara buk anih hnuah "RAM LEH HNAM HUMHALH" tih chu Kum 2012 kumpuan a tan pawm a ni. Kum 2012 General Conference thlen dil awmchhun Kawrtethawveng Joint YMA chu 67th YMA General Conference, 2012 thlengtu turin lungrual taka pawm a ni. Agenda zingah YMA khawih pali leh Sorkar khawih panga te hi a then tlema siam rem deuhin Passed vek ani
    Rorel Inkhawm hlan hian Diakkawn Hall-ah Variety Programme hlimawm tak hman a ni a. He hunah hian Malzai thahnem tak bakah Drama, Zaipawl, Recitation, Group Zai, Cultural Item etc. te chuan mit leh beng a ti tlai hle.
    Ramngaw leh Nungcha Humhalh tha Branch te:- 1) Tualte Branch YMA, 2) Khawngbawk Branch YMA, 3) Cherhlun Branch YMA. Group : 1) Tuichawng Group YMA, 2) Khawzawl Grooup YMA, 3) Saitual Group YMA te an ni.   

    Kumpuan bawhzui tha  te hi chawimawina hlan an ni bawk: BRANCH:- 1. Edenthar Branch, 2.    Electric Veng Branch, 3. Tuikual North Branch. GROUP: 1. Khawzawl Group, 2. Saitual Group, 3. Tuichawng Group te an ni.
    Kum 2011-2013 chhunga Central YMA hruaitu tur thlanna Programme hi Ni 27.10.2011 (Thu) ah neih a ni. President : Pu T.Sangkunga, Dinthar, Vice President : Pu Lalbiakzuala, Khatla, General Secretary : Pu Vanlalruata, Tuikual ‘S’, Asst. Secretary : Pu RL. Rindika, Bungkawn, Treasurer : Pu R.Lalngheta, Hlimen, Fin. Secretary : Pu J.Lalsailova, Mission Veng North te thlan tlin an ni. Sawi hmaih phal hauh loh tur chu tun kan conference ah hian Mizo zia dik tak tlawmngaihna te, dikna te leh rinawmna ropui tak tak langchhuak puan tur a awm fo reng a, Hruaitu thlanna ah pawh hian Voter ID Card in laksak tawh, rawn kal leh si lo te chu midang aiawh in hmang mai lovin ID Card 91 lai return leh a ni a, a ropui thin hle.
    Palai thlahna inkhawm hi Ni 27.10.2011 (Thu) Zan Dar 7:00 ah tan a niin Pu R. Lalngheta, Treasurer in a kaihruai a. Pu C.V.L Ngura, President Tuichawng Group chuan hunserh a hmang. He inkhawmah hian Pu Vanlalrema Rokhum, Returning Officer chuan hruaitu thlan tharte inhmelhriattirna hun a hmanga. Pu Lal Chungnunga, President kalchhuak leh  President thlan thar Pu T. Sangkunga ten thu an sawi hnu in Pu Lal Thanzara, Parlamentary Secretary in thu a sawi leh hnuin kum 2012 General Conference thlengtu Kawrthah Joint YMA Hruaitu hnen atangin Conference chhim tura sawmna ngaihthlak a ni a, Pu C.T. Mawia, President, Sub-Hqrs. YMA, Kolasib-in 66th YMA General Conference Palaite thlahna thu a sawi a, Central YMA Cultural Troupe ten Zotuithiang lam mawi takin an entir. Malzai, Zaipawl, Drama leh Hnamlam mawi tak tak ena ngaihthlak a ni.
    Palai Thlah inkhawm hlimawm tak chu zan dar 12:30 vel khan tih tawp a ni a, nakumah Kawrtethawveng lamah tiin Kum 2011 YMA General Conference chu a tiak ta ani.

Read more »

KHAWBUNG MISTIRI ASSOCIATION THU CHHUAK

Khawbung Mistiri Association Committee chuan pawisa hlutdan tlahniam zel milin Mistiri hlawh hi Rs.350/- ni tawh se kan ti a. Mistiri in a hruai bik helper hlawh pawh ni khat ah Rs.200/-nise kan ti.
He hlawh rate thar hi Dt.1/11/2011 atangin hman tan a ni ang.
Hnamdang inhlawh tura lo kal te Khawbung rate aia sang a ruai lo turin Khawbung Mistiri Association chuan mipui te kan ngen takzet ani.

Secretary
Khawbung Mistiri Association

Read more »

DAWN VE TEH

Sunhlu kungah thei dang arah ngai lo- kan mizia leh khawsak dan phung hi kan tu leh fa te ah alo lang thin a. NU leh PA leh tu pawh mai hian kan kungah enge rawn rah dawn tih i ngaihtuah thin teh ang.

Read more »

KHAWBUNG BRANCH YMA EXECUTIVE COMMITTEE NEIH ANI

Khawbung the 23rd October, 2011: Dt.22/10/2011(Inrinni) zan khan Khawbung Branch YMA Executive committee neih a ni a. Thu pawimawh tak tak sawiho ani.

Branch YMA President Pu Lalniliana Hnamte kaihruaina hnuaiah hengte hi rel ani:-
1. YMA General Conference, Kolasib-a neih tur ah Branch YMA atanga member kal thei tur te kal man tur chu Branch in a tum sak ang.
2. Kumpuan ‘Khawtlang Nun siamthat’ bawkzuina kawngah chak zawka hma kan lak theih nan Programme siam tha tih a ni a.NGO,   Kohhran hrang hrang aiawh, Kohhran tin thalai hruaitute leh Head of Department te nena Dt.4/11/2011 ah KC Auditorium-ah neih nise tih ani.
3. K Section leh Y Section YMA Chhang memberte ni 30/10/2011 chawhnu inkhawm ban ah kohkhawm a,  Kumpuan pual Prog. hmanpui nise tih a ni bawk.

Read more »

KHAWBUNG BRANCH YMA HNATLANG NEIH A NI

Khawbung the 16th October, 2011: Nimin Dt.15/10/2011(Inrinni) khan Branch YMA hnatlang neih a ni a. Member 10 vel thawkchhuak in Dungtlang leh Khawbung inkar kawngdung a thing rawng hnawih ani.

Nimin a hnatlang a thawkchhuak te hian an hnawih zo hmanlo deuh a. Kan nungcha humhalh chungchang te sawiho na neih pah a ni bawk.
Nungcha humhalh kawngah mipui ten thu kan awih viau laiin thu la awih duhlo tlemte kan la awm a. An ni ho pawh hian nungcha humhalh duhna thinlung nei a an thangharh thuai beisei an ni.
Lui dunga nungcha humhalh kawngah pawh mipui ten thu kan awih that avangin sangha leh lui lam sa te a lo pung in duh thal a man tur kan lo nei ta te hi a lawmawm hle a. Khawtlang mipui ten he kan thuawihna hi chhawm nun zel a duhawm thu hnatlanga kal te chuan an sawiho ani.
Nimin a thing rawng hnawih hi YMA ta bik a ni lova. Kan khawtlang ta, mipuite ta anih angin khawtlang mipui ten dimdawih a nakin zel atana kan tu kan fa te tana tha tur anih hre reng chunga a ti chereu lo zawnga hma la tura mipuite kan ngen naah khawtlang mipui ten lo ngai turin hnatlang te chuan an duh hle bawk.

Read more »

LAWMTHU SAWINA

Kan nu Pi Simeni’n min boral san chungchang ah Khawbung khawtlang nu leh pa, nula leh tlangval ten in khawngaihna leh lainatna kan chungah nasa takin in lantirna ah lawmthu kan sawi a.Hei hi mimal tin hnena kan lawmthusawi na ah min lo pawmsak turin kan ngen che u a. Kan chunga in thatna zawng zawng ah Pathian in a let tam takin rul che u rawh se.

In khawngaihna dawngtu
Pu Manguka leh a fa te.
Bahzar Veng

Read more »

LAWMTHU SAWINA

Ka nu Kapthuami boral chungchang ah kan khawtlang mipui ten theihtawp chhuah a min buaipui a, in tha leh hnatul dang te kalsan a min buaipui avangin ka thinlung takin lawmthu ka sawi a. Tin, tlangval ho ten ruahpui hnuaiah thlan te min laih sak a, a chhilh thlenga min tihsak vek avangin lawmthu ka sawi mawlh mawlh bawk e.

In khawngaihna dawng tu
Satinpari
Dinthar Veng

Read more »

BOMB

Sangha fuan hun a lo ni leh ta a. Khawtlang mipui te nghafuan veng lo turin kan in ngen a. Tin, tunkar chho atang hian lui lama kallo hram hram turin kan in ngen a. A kal lui kan hriat chuan Forest Department lamah hriattir zel an ni ang.

Read more »

MIZORAM CHHUNGAH FAINA HAPTA HMAN A NI

Khawbung the 9th October, 2011: Faina hapta (Cleanliness week) chu Mizoram pum ah hman a niin Khawbung ah pawh Dt.3/10/2011 khan Zawlbuk tual ah zing dar 10 a hawnna inkhawm neih a ni.

Hawnna inkhawmah hian VCP Pu Vanlalhruaia chu Chairman niin BDO PU Lalrohlua Faina Hapta hawnna hun hi a hmang a, Khawbung khawtlang kan faizia leh Mizoram hmun tam tak tana entawn tlak kan nihzia ‘The Aizawl Post’ in a tarlan thu a sawi a, mitiin fai hi kan tlinzia leh kan tih theihzia a sawi bawk.
Hemi ni hian School naupangte an kal tha hle a, tin, khawtlang nu leh pa, nula leh tlangval,  nutar leh patar, Khawbung khawtlang kan thianghlim zawk theihna tur atana  ke rawn pen chhuak mi thahnem tak an rawn chhuak bawk a ni.
Dt 3.10.2011 ni hian Office hrang hrang leh School hrang hrang ten an mahni hmunhma tifaiin hun an hmang nghal bawk a ni. Faina hapta hman chhunga lawmman dawngtute chu heng mite hi an ni. School 1. KM M/S. 2. KHSS. 3. Govt. P/S II. Govt. Office 1. Tourism Dept. 2. PHC. 3. Health Sub Center. Section YMA 1. K-Sec. 2. A-Sec. 3. Y-Sec. YMA Chhang 1. K-Sec 2. A-Sec 3. Y leh M Sec te an ni. Mimal in leh a vel fai berah Pu R.Thanghleia Pathian veng chu thlan a ni bawk, Heng lawmman dawngtute hian Dt 11.10.2011 (Thawhleh) atangin BDO Office ah Office hun chhungin lawmman hi lam theih a ni.

Read more »

MOBILE PHONE TIPS & TRICKS

Mobile keypad hi lock loh chuan tumloh deuh a mi lo call leh eng eng emaw lo kal palh a awm thin a. Lock hi a him ber ang.  Settings atangin auto lock in siam theih tho mahse a tihdan awlsam ber ah chuan keypad a * emaw # emaw hmeh deuh reng in a lock thei mai thin. Nokia ah chuan Menu/OK button hmeh a * hmet leh hian a lock theih bawk. Heng ho hian i ti theilo anih chuan a hriat dan awlsam ber chu i phone a keypad unlock na a i hman ang chiah kha han hmet la, a in lock mai ang.

Read more »

FAINA HAPTA HMAN A NI DAWN

Khawbung the 2nd October, 2011: Faina hapta (Cleanliness week) chu ram pum ah hman a ni leh dawn ta. Khawbung ah pawh naktip Dt.3/10/2011 hian a hawnna programme, Zawlbuk tual ah zing dar 10 ah neih a ni dawn.

Naktuk a a hawnna programme neih zawh hian khawchhung tihfai hnatlang neih nghal a ni dawn a. Khawtlang mipui zawng zawng te he huna tel tura sawm kan ni bawk.
Faina hapta denchhen hian faina kawnga inelna, zirna in, sawrkar office hrang hrang leh section YMA te tan buatsaih a ni dawn bawk. Lawmman tha tawk tak siam a ni bawk ang. Intihsiakna hi faina hapta chhung maia duhtawk lova heng intihsiak tur te hian kum lo la kal zel tur thlenga faina kawnga in el zawm theih a tha hle mai.
Faina hapta hman chhung hian chhungtin te mahni in leh a vel te tifai tura beisei kan ni a. Khawtlang mipui ten kan zawm hram hram a pawimawh awm e.
 Khawvel ram changkang tehna pakhat chu an khawpui fai leh fai loh a ni thin a. Kan khawtlang pawhin nasa taka hma sawn in changkang chho zel in in ngai mah ila, kan khawchhung a thianghlim loh chuan khaw changkang lo kan ni dawn tih hria in theihtawp a faina kawnga hma kan lak tlan a tha awm e.
FAI HI PATHIAN AN TEUH NA BER A NI SI A.

Read more »

TUI KAN HNIANGHNAR DAWN

National Rural Drinking Water Programme(NRWP) hnuai ah Khawbung in reservior(tuizem) pahnih lai kan neih belh leh dawn ta a. High School tlang leh Phase I reservior bul ah dah a ni ang. Khawchhung a line pawh siamthat vek ani dawn a. T-Cluster hmanga mumal taka tui sem theih a ni thuai dawn ta. Hemi atan hian Cheng nuaih 180 ruahman a ni.
Tin, NLCPR atangin Tuipui pumping scheme thawh a ni dawn a. Hemi atan hian cheng nuaih 722 ruahman a ni dawn bawk. Hetiang anga hmasawnna a kal chhoh mek avang hian PHE Department  thawktu te pawh tih phuisui zel a ni a. Khawbung Watsan Sub-Division pawhin  Dt,23.9.2011 khan SDO Pu Dartea hovin staff meeting an nei a. Department a thawktu te leh khawtlang mipuite thawhhona tha a awm zel theih na tura chak taka hmalak anih theih dan tur te ngaihtuah a ni.

Read more »

HMEICHHE TLEIRAWL TE TAN INCENTIVE TRAINING NEIH A NI.

Khawbung the 25th September, 2011: Tunkar Zirtawpni, 23rd Sept khan Khawbung BRC Hall-ah Khawbung ICDS Project bul tumin Tleirawl (Adolescent Girls) kum 11-18 inkar te tan Incentive Training, Pi WC Zorammawii CDPO kaihhruaina hnuaiah buatsaih a ni a.He hun hmang hian Khawbung ICDS Project hnuaia khaw hrang hrang a tangin Tleirawl mi 45 zet an lo kal khawm a ni. He Training-ah hian thupui hlawm then hrang hrang pali zir ho a ni a. Resource Person Pali ten thiam tak leh hneh takin training an pe a ni.

Pi Dr.Lalmuanpuii chuan ‘Adolescent Health’ tih thupui hmangin tleirawlte hriselna lam hawi thu sawiin,’’Mihringte hi kum upa lam kan lo nih hnua kan natna chi hrang hrang 70% vel  hi tleirawl kan nih laia ei leh in kan tihthat tawk loh vang te,zuk leh hmuam leh ruihtheih thil kan tih thin vang te a ni a,tleirawl laia Sex hman hian natna thalo kan kai hma bik a.Nau tihtlak te hi mahni fa tur that kan ni a, ringtu te chuan tih loh tawp tur a ni.” a ti a ni.
Pi Zorinpuii Ralte (MSW) chuan ‘Social Issues Related to Adolescent Girls’tih thupui hmangin thusawina hun a nei a,”Tleirawl kan nih laia midang te nena kan khawsak hona a kan awm dan tur leh kan mawhphurhna te,kan tih leh tih loh tur lam hawi thu sawina hun neiin mi ngaihsan ni tur chuan faina kan ngai pawimawh tur a ni a, tleirawl laia rilru leh taksaa danglamna hrang hrang lo thleng thinah te hian nu leh pa, chhung te leh lehkhabu te rawn thin tur a ni a. Tleirawlte mawhphurhna chu aia upa zah leh Rualbanlo te ngaihsak hi a ni” a ti bawk.
He training-ah hian Pu Dino C.Laldinliana, Link Worker Supervisor MSD&RB Khawbung Block chuan HIV/AIDS chungchanga tleirawlte hriat tur pawimawh tak tak sawina hun a nei a,Link Worker te hna thawh leh thil tum chi hrang hrangte sawiin HIV/AIDS laka kan invent theihna tura atul ang a hma la tur an nih dan leh tanpui theitu an nih dante a sawi a. Pi WC Zorammawii CDPO Khawbung chuan “Aims&Objective of Balika Mandal”tih thupui sawina hun neiin  Chhungkua, kohhran leh khawtlang siamtha tur chuan “Kristaa nun neih hi a pawimawh a,Krista a nun neih chuan tuna nu leh pa ni tawh te harsatna tawh ang tam tak hi pumpelh theih a ni a,nun uluk leh fimkhur chuan lei malsawmna tam tak hi an dawng thin” a ti.He Training hmang tura lo kal zawng zawngte chungah leh a hlawhtlin theihna tura tha leh zung sengtute zawng zawng chungah lawmthu sawina a neih zawh hnuah training hi tihawp a ni.

He tiang ang tleirawl te  thanlenna tur leh nunphung atana zirtirna tha tak mai Training hlawhtling taka buatsaih a ni hi a lawmawmin buatsaihtute an fakawm hle a,Tunlai khawvelah hetiang lam hawia tleirawlte  zirtirna pek hi a tul takzet a, khawtlang nun siamthatna kawnga hmalakna pawimawh tak pawh a ni nghe nghe.

Read more »

G & SA HRIATTIRNA

Dt.17th-20th October 2011 khi TVA ranking rournament, Leisenzo ah neih tur a ni a. Senior(Mipa leh hmeichhia), Under 16 te neih tur ani. Infiammi tel tum te chu tha taka practice na a kal turin kan in hriattir a ni e.

Read more »

MOBILE MANIA

Mobile Handset screen rang thin hi awlsam tak leh man tlawm taka tihreh ve theih a ni a. I mobile phone screen kha a lo rang anih chuan Tooth Paste(Ha nawhna hlo) hnawih la, puan nem fai i
n i nawt vak dawn nia. Tui in silfai leh la, a rang a la reh loh chuan i ti nawn leh thin dawn nia.
Airtel hmangtu te tan kan thil subscribe palh emaw, kan hriat miahloh a lo in subscribe a awm in *121*5# dial in paih mai theih a ni.
Aircel hmangtu tute tan : Aicel hmangtu te tan sms pack balance la neih zat *111*5# dial in en mai theih a ni e.Internet balance en duh tan *111*10# dial mai tur a ni bawk.

Read more »

CENTRAL CO-ORDINATION COMMITTEE VAWI 66-NA NEIH A NI

Khawbung the 18th September, 2011: Dt.14/9/2011(Nilai) khan YMA committee sang ber Central Co-ordination Committee(CCC) vawi 66-na chu Tuikhuahtlang ah neih a ni.

          He meeting hi Pu Lalchungnungbera, President in a kaihruai a. Member 186 an tel. He meeting hian 66th YMA General Conference 2011, Sub Headquarters YMA, Kolasib in an thlen tur chungchang an ngaihtuah a. Sub-headquarters, Group leh Branch atanga Agenda lo lut an thlifim a, heng te hi chhawpchhuah nise an ti.
YMA KHAWIH
1. Mizoram khawpui hrang hrang thlanmual intawm(Common Cemetery) kan neih theih nan Central YMA in hma la rawh se.
2. Mizorama Project/Industry ah leh leilung hausakna haichhuah kawngah ram leilung faten a tam thei ang ber hamthatna an dawn theih nan CYMA in hma la rawh se.
3. Mizoram a hnamdang dan lova sumdawng te hi YMA hian dapchhuah hna hi tun aia chak zawkin hma la rawh se.
4. Kan rama tuihna humhalh leh a awmsa tihpun zel anih theih nan CYMA in hma la rawh se.
SAWRKAR KHAWIH
1. Mizoramah zirna a lo that zawk theih nan thingtlang leh khawpuiah rualkhai thei ang berin zirtirtu, sawrkar-in siksawi rawh se.
2. School Academic Session tuna kan hman mek hi India state dangte rihdan milin April-March ah thlak vek ni rawh se.
3. Labour law kan neih ang angte kenkawh kawngah sawrkar-in chak zawka hma la turin CYMA-in ngen rawh se.
4. Mizoramah hmun remchang chuh a Bawk khawh a khawper din thin hi a awm tawhlohna turin hmalak nirawh se.
KUMPUAN
1. Khawtlang nun Siamthat.
2. Ram leh hnam humhalh.

Read more »

IRON ROD RIHZAWNG CHHUT CHHUAH DAN

(Tun tum chu Pu F.Zothanmawia, kan YMA president lo ni tawh thin in Iron Rod rih zawng chhutchhuah dan min rawn hrilh hre hlauh mai. A chungah kan lawm tak meuh meuh ani. Kan chhawr tangkai tlan ngei kan beisei e. -Editor)
6mm 1m .22kg
8mm 1m .36kg
10mm 1m .62kg
12mm 1m .89kg
16mm 1m 1.58kgs
20mm 1m 2.47kgs
25mm 1m 3.85kgs
A chung ami khi meter khat zel a rod lenzawng inanglo ho rih dan a ni e. 16mm hi sut 4 kan tih hi a ni a. A tlawn sei zawng hi 12m a ni tlangpui thin a. Chu chu meter khat rihzawng .89kgX12m=10.68kgs a lo ni a. 16mm tlawn 9 vel chu quintal khat tihna anih chu. Chutiang zel in a dang pawh hi chhut theih a ni e.

Read more »

HEALTH CARE SCHEME

Health care scheme chungchang ah mipui ten hriatfuhloh tam tak kan neih thin avangin he scheme a inziaklut te chuan a hnuaia mi hi hriat vek tur a ni e.
1.Health care bill theih hun hi kum khat chhung atan chauh a ni.(Sep. 2011 - Aug. 2012). Thenkhat ten kum hmasa a an inziahluhna hman an tum thin hi a theihloh, kum tin a thar a tih zel tur a ni.
2. Enrolment hi September 2011 thleng chauh a tih theih dawn a. Mahni bialtu Sub-center ah ngaihven ran tur a ni.
3. BPL leh AAY ten damdawiin a admit/awm ngai natna engah pawh an bill vek thei a, APL tan chuan natna khirhkhan bik (Heng te hi damdawiin ah tarchhuah a ni) thenkhat ah chauh a bill theih a ni.
4. Health Care a in registered zawng zawngte damdawiin a an awm dawn in heng a hnuaia mi te hi bill siam nan ken thin tur a ni.
1) Enrolment form(Sub-center atanga lehkha lak)/ Smart card(Thla la tawhte la sem tur) xerox copy
2) Voters ID xerox copy(Chhungkaw hotu ber)
3. BPL/AAY/APL ration card xerox copy.

Read more »