THU NEUH NEUH

Mizo Hlakungpui Mual-a archive building sak hna chu chak taka kalpui mek zel a ni a. Favang awllen a lo ni dawn tan ta a, tlawhtu pawh an awm chho leh ta nawk mai. Tin, website pawh tih changtlun chhoh mek a niin a design thar tur pawh peihfel thawkhat a ni ta.

Tunlai hian Airtel a chhe hle, signal awmlo leh hman mumal theih loh in a awm zeuh zeuh. A that thuai kan beisei e.

Tunlai hian bird flu a leng thar leh ni a hriat a ni a. Mamit lamah chuan Assam leh West Bengal atanga Artui lakluh khap a ni.

Silvester Stallone film siam lai The Expendables 2 a a stuntman pahnih te chu an film chan laiin an chesual palh a, an thi. He thil hi thil puak nasa tak an siam laia thleng a ni a. Police ten thil awmzia an endik tawh bawk. Anni bakah hian stuntman pakhat chu zai hial ngai khawpin a hliam bawk.

Zirtawp zan khan Metallica in an concert Inrinni a an postpone a ngaih thu an puang a, fans thinrim zual bik te stage ah an lawn kai a,  instrument leh stage arrangement an vuak chhiat sak a, mahse Metallica ho guitar leh instrument pawimawh zual chu an dah bo hman a . Hemi vang hian Metallica in Delhi a an concert tur chu an thulh hlen ta a, Pathianni hian Bangalore ah an zai ang.

Vawiin hian India ramah a vawi khat na atan Formula 1 an tlan dawn. Opening ceremony a zai tura tih Metallica te erawh chu an zai thei dawn talo.

Posted in: News