TUI KAN HNIANGHNAR DAWN

National Rural Drinking Water Programme(NRWP) hnuai ah Khawbung in reservior(tuizem) pahnih lai kan neih belh leh dawn ta a. High School tlang leh Phase I reservior bul ah dah a ni ang. Khawchhung a line pawh siamthat vek ani dawn a. T-Cluster hmanga mumal taka tui sem theih a ni thuai dawn ta. Hemi atan hian Cheng nuaih 180 ruahman a ni.
Tin, NLCPR atangin Tuipui pumping scheme thawh a ni dawn a. Hemi atan hian cheng nuaih 722 ruahman a ni dawn bawk. Hetiang anga hmasawnna a kal chhoh mek avang hian PHE Department  thawktu te pawh tih phuisui zel a ni a. Khawbung Watsan Sub-Division pawhin  Dt,23.9.2011 khan SDO Pu Dartea hovin staff meeting an nei a. Department a thawktu te leh khawtlang mipuite thawhhona tha a awm zel theih na tura chak taka hmalak anih theih dan tur te ngaihtuah a ni.

Read more »

CHAKAI HRAI TU MAN

Hmeithai Mual a chakai hraitu Pu F.Laldinliana, Kawn veng, Khawbung leh Laldinpuia s/o Lalrobuaia(L) Bethlehem Veng, Aizawl te chu man a chawi tir an ni a. Khawtlang mipui te tur hmanga lui dung nungcha te hrai lo hram hram turin kan in ngen bawk e.

Read more »

PUC LO KAL

Pachhunga University College a Mizo zirlai te leh zirtirtu te Khawbung leh a chhehvel a hmanlai pi leh pu te sulhnu en in an rawn kal a. Khawbung ah thlengin Dt.22.9.2011(Ninga) zan khan KC Auditorium ah Hlakungpui Committee te nen inkawm ho na an nei a. Hlakungpui chungchang an hmuh dan leh hmalak zel dan tur bakah thawh ho dan tur te sawi ho a ni a. An hlawkpui tlang hlawm hle.

Read more »

HMEICHHE TLEIRAWL TE TAN INCENTIVE TRAINING NEIH A NI.

Khawbung the 25th September, 2011: Tunkar Zirtawpni, 23rd Sept khan Khawbung BRC Hall-ah Khawbung ICDS Project bul tumin Tleirawl (Adolescent Girls) kum 11-18 inkar te tan Incentive Training, Pi WC Zorammawii CDPO kaihhruaina hnuaiah buatsaih a ni a.He hun hmang hian Khawbung ICDS Project hnuaia khaw hrang hrang a tangin Tleirawl mi 45 zet an lo kal khawm a ni. He Training-ah hian thupui hlawm then hrang hrang pali zir ho a ni a. Resource Person Pali ten thiam tak leh hneh takin training an pe a ni.

Pi Dr.Lalmuanpuii chuan ‘Adolescent Health’ tih thupui hmangin tleirawlte hriselna lam hawi thu sawiin,’’Mihringte hi kum upa lam kan lo nih hnua kan natna chi hrang hrang 70% vel  hi tleirawl kan nih laia ei leh in kan tihthat tawk loh vang te,zuk leh hmuam leh ruihtheih thil kan tih thin vang te a ni a,tleirawl laia Sex hman hian natna thalo kan kai hma bik a.Nau tihtlak te hi mahni fa tur that kan ni a, ringtu te chuan tih loh tawp tur a ni.” a ti a ni.
Pi Zorinpuii Ralte (MSW) chuan ‘Social Issues Related to Adolescent Girls’tih thupui hmangin thusawina hun a nei a,”Tleirawl kan nih laia midang te nena kan khawsak hona a kan awm dan tur leh kan mawhphurhna te,kan tih leh tih loh tur lam hawi thu sawina hun neiin mi ngaihsan ni tur chuan faina kan ngai pawimawh tur a ni a, tleirawl laia rilru leh taksaa danglamna hrang hrang lo thleng thinah te hian nu leh pa, chhung te leh lehkhabu te rawn thin tur a ni a. Tleirawlte mawhphurhna chu aia upa zah leh Rualbanlo te ngaihsak hi a ni” a ti bawk.
He training-ah hian Pu Dino C.Laldinliana, Link Worker Supervisor MSD&RB Khawbung Block chuan HIV/AIDS chungchanga tleirawlte hriat tur pawimawh tak tak sawina hun a nei a,Link Worker te hna thawh leh thil tum chi hrang hrangte sawiin HIV/AIDS laka kan invent theihna tura atul ang a hma la tur an nih dan leh tanpui theitu an nih dante a sawi a. Pi WC Zorammawii CDPO Khawbung chuan “Aims&Objective of Balika Mandal”tih thupui sawina hun neiin  Chhungkua, kohhran leh khawtlang siamtha tur chuan “Kristaa nun neih hi a pawimawh a,Krista a nun neih chuan tuna nu leh pa ni tawh te harsatna tawh ang tam tak hi pumpelh theih a ni a,nun uluk leh fimkhur chuan lei malsawmna tam tak hi an dawng thin” a ti.He Training hmang tura lo kal zawng zawngte chungah leh a hlawhtlin theihna tura tha leh zung sengtute zawng zawng chungah lawmthu sawina a neih zawh hnuah training hi tihawp a ni.

He tiang ang tleirawl te  thanlenna tur leh nunphung atana zirtirna tha tak mai Training hlawhtling taka buatsaih a ni hi a lawmawmin buatsaihtute an fakawm hle a,Tunlai khawvelah hetiang lam hawia tleirawlte  zirtirna pek hi a tul takzet a, khawtlang nun siamthatna kawnga hmalakna pawimawh tak pawh a ni nghe nghe.

Read more »

G & SA HRIATTIRNA

Dt.17th-20th October 2011 khi TVA ranking rournament, Leisenzo ah neih tur a ni a. Senior(Mipa leh hmeichhia), Under 16 te neih tur ani. Infiammi tel tum te chu tha taka practice na a kal turin kan in hriattir a ni e.

Read more »

MOBILE MANIA

Mobile Handset screen rang thin hi awlsam tak leh man tlawm taka tihreh ve theih a ni a. I mobile phone screen kha a lo rang anih chuan Tooth Paste(Ha nawhna hlo) hnawih la, puan nem fai i
n i nawt vak dawn nia. Tui in silfai leh la, a rang a la reh loh chuan i ti nawn leh thin dawn nia.
Airtel hmangtu te tan kan thil subscribe palh emaw, kan hriat miahloh a lo in subscribe a awm in *121*5# dial in paih mai theih a ni.
Aircel hmangtu tute tan : Aicel hmangtu te tan sms pack balance la neih zat *111*5# dial in en mai theih a ni e.Internet balance en duh tan *111*10# dial mai tur a ni bawk.

Read more »

Editorial

THIL THAR KAN NEI
Kan Branch YMA hruaitute thahnem ngaihna zarah ENTU chuan Laser Printer thar tha tak mai kan neih belh leh ta. A lawmawm hle mai. Heti hi chuan khawl lam chianloh vanga Entu chhuah theihloh kan neih thin pawh kha a ziaawm tawh ngei kan beisei.
Chutih rual chuan sum tam tak kan senral avangin ENTU min laksak tu ten a man pek lamah tan min lo lak pui ve kan beisei tak meuh meuh a. A man pek thatloh avanga kan sem takloh te pawh khan in la leh duh anih chuan a man in la pek remchanloh te pe tla in a lak leh theih reng ani tih min lo hriatsak dawn nia.

Read more »

News

KHSS EXAM DAWN
KHSS te chuan Half yearly exam Dt.22/9/2011(ninga) atang hian an tan dawn ta.

HLAKUNGPUI
Hlakungpui Bulettin tihchhuah leh a ni dawn. Chawlhni leh hian a hmasa ber tihchhuah leh a ni ang. Hlakungpui website pawh tih that chhoh mek a ni a bawk.

PYKKA SPORTS
Champhai District huap PYKKA tournament ah Khawbung RD Block chu a pumpui ah pahnihna an va ni thei a. Kan lawmpui hle. He tournament ah hian a pumpui ah Champhai RD Block chu pakhatna an ni.

Read more »

PUC LO KAL DAWN

Pachhunga University a Mizo department te chu an Lecturer Pu Paul Lalremruata ho in Dt.21/9/2011 hian pipu te hmun hlui rawn en in an lo kal dawn a. Khawbung Branch YMA ten an lo thleng ang. Dt.22/9/2011 zan ah Hlakungpui Committee te nen Auditorium ah inkawm ho na an nei ang.

Read more »

CENTRAL CO-ORDINATION COMMITTEE VAWI 66-NA NEIH A NI

Khawbung the 18th September, 2011: Dt.14/9/2011(Nilai) khan YMA committee sang ber Central Co-ordination Committee(CCC) vawi 66-na chu Tuikhuahtlang ah neih a ni.

          He meeting hi Pu Lalchungnungbera, President in a kaihruai a. Member 186 an tel. He meeting hian 66th YMA General Conference 2011, Sub Headquarters YMA, Kolasib in an thlen tur chungchang an ngaihtuah a. Sub-headquarters, Group leh Branch atanga Agenda lo lut an thlifim a, heng te hi chhawpchhuah nise an ti.
YMA KHAWIH
1. Mizoram khawpui hrang hrang thlanmual intawm(Common Cemetery) kan neih theih nan Central YMA in hma la rawh se.
2. Mizorama Project/Industry ah leh leilung hausakna haichhuah kawngah ram leilung faten a tam thei ang ber hamthatna an dawn theih nan CYMA in hma la rawh se.
3. Mizoram a hnamdang dan lova sumdawng te hi YMA hian dapchhuah hna hi tun aia chak zawkin hma la rawh se.
4. Kan rama tuihna humhalh leh a awmsa tihpun zel anih theih nan CYMA in hma la rawh se.
SAWRKAR KHAWIH
1. Mizoramah zirna a lo that zawk theih nan thingtlang leh khawpuiah rualkhai thei ang berin zirtirtu, sawrkar-in siksawi rawh se.
2. School Academic Session tuna kan hman mek hi India state dangte rihdan milin April-March ah thlak vek ni rawh se.
3. Labour law kan neih ang angte kenkawh kawngah sawrkar-in chak zawka hma la turin CYMA-in ngen rawh se.
4. Mizoramah hmun remchang chuh a Bawk khawh a khawper din thin hi a awm tawhlohna turin hmalak nirawh se.
KUMPUAN
1. Khawtlang nun Siamthat.
2. Ram leh hnam humhalh.

Read more »

IRON ROD RIHZAWNG CHHUT CHHUAH DAN

(Tun tum chu Pu F.Zothanmawia, kan YMA president lo ni tawh thin in Iron Rod rih zawng chhutchhuah dan min rawn hrilh hre hlauh mai. A chungah kan lawm tak meuh meuh ani. Kan chhawr tangkai tlan ngei kan beisei e. -Editor)
6mm 1m .22kg
8mm 1m .36kg
10mm 1m .62kg
12mm 1m .89kg
16mm 1m 1.58kgs
20mm 1m 2.47kgs
25mm 1m 3.85kgs
A chung ami khi meter khat zel a rod lenzawng inanglo ho rih dan a ni e. 16mm hi sut 4 kan tih hi a ni a. A tlawn sei zawng hi 12m a ni tlangpui thin a. Chu chu meter khat rihzawng .89kgX12m=10.68kgs a lo ni a. 16mm tlawn 9 vel chu quintal khat tihna anih chu. Chutiang zel in a dang pawh hi chhut theih a ni e.

Read more »

HEALTH CARE SCHEME

Health care scheme chungchang ah mipui ten hriatfuhloh tam tak kan neih thin avangin he scheme a inziaklut te chuan a hnuaia mi hi hriat vek tur a ni e.
1.Health care bill theih hun hi kum khat chhung atan chauh a ni.(Sep. 2011 - Aug. 2012). Thenkhat ten kum hmasa a an inziahluhna hman an tum thin hi a theihloh, kum tin a thar a tih zel tur a ni.
2. Enrolment hi September 2011 thleng chauh a tih theih dawn a. Mahni bialtu Sub-center ah ngaihven ran tur a ni.
3. BPL leh AAY ten damdawiin a admit/awm ngai natna engah pawh an bill vek thei a, APL tan chuan natna khirhkhan bik (Heng te hi damdawiin ah tarchhuah a ni) thenkhat ah chauh a bill theih a ni.
4. Health Care a in registered zawng zawngte damdawiin a an awm dawn in heng a hnuaia mi te hi bill siam nan ken thin tur a ni.
1) Enrolment form(Sub-center atanga lehkha lak)/ Smart card(Thla la tawhte la sem tur) xerox copy
2) Voters ID xerox copy(Chhungkaw hotu ber)
3. BPL/AAY/APL ration card xerox copy.

Read more »

Editorial

A VA NUAM EM
Branch hruaitu ten tlawmngai tura min ruat angin kuminah Entu Editorial Board ten chaklo tak chungin chanchinbu kan han enkawl ve a. Harsatna leh buaina tam tak te kan tawk ve thin a, amaherawh chu kan hruaitu fel tak tak ten kan harsatna te min hriatpui in min ngaihtuah em em thin a. Kan va lawm tak em.
Tin, mimal anga min fuih tu te, kan diklohna min hrilh a fuihna tha chitinreng min fah thin tu te engemawzat in awm bawk. Kan lawm em em a, nangmahni vang chauhin kan enkawl ve thei tawk tawk tih lo hria ula. Thurawn min pe zel turin khawtlang mipui te kan ngen cheu a ni e.

Read more »

HRIATTIRNA

District Agriculture leh AMFU tangkawpin Dt.22/9/2011 hian Thlai thar entirsiakna (Crop exhibition) a buatsaih dawn a. Heta tel duh tan Dt.18/9/2011(Sunday) ral hma ngeiin a hnuaia hming ziak hnenah hian in report tur a ni e, lawmman siam a ni ang.
Tin, hemi ni hian vawk vulh, ar vulh leh fertilizer hman dan te training neih nghal tum a ni.
TA & DA a awm dawn lova, mahni sum senga kal tur a ni e.

C.Lalzova
Secretary
Khawbung Branch AMFU

Read more »

LAWMTHU SAWINA

Kan pa F.Lalthanzama’n min boral san chungchang ah lawmthu sawi tur tam tak kan nei a. A damloh atanga min boralsan thlengin khawtlang mipui te leh damdawi in thawktu ten min enkawlna ah lawmthu thinlung takin kan sawi tak meuh meuh ani.
Pu Kapliana’n tlawmngai taka motor a min dah phei avangin kan lawm em em a. Aizawl kan pan na ah Champhai leh Aizawl lama Khawbung Welfare ten min buaipuina ah kan lawm em em bawk ani.
Min boralsan atanga vawiin ni thlenga khawtlang in min buaipui naah lawmawm kan ti a. Kan thlawhhma te thlenga min thlawh zawh sak te hi a ropui kan ti a, kan lawm tak zet ani.
Kan tana in thatna hi kan rul thei dawn lova, min lainata min tawngtaipui tu te leh min tawiawm tu te Lalpan Malsawmna in umzui cheu sela tih hi kan tawngtaina leh kan lawmthu sawina a ni e.

Khawvelthangi leh a fa te
Dinthar Veng

Read more »

HRIATTIRNA

Chuktuah huan siam a lo hun leh ta a, ran neitu(a bik in ar) ten kan ran te khuahkhirh turin kan inhriattir thar leh a. Tin, sangha fuan a lo hun leh dawn a. Khawtlang mipui te sangha fuan man lo tur leh hemi hun chhung chu lo insum hram hram turin kan inngen bawk ani.

Read more »

BRANCH/SECTION

BRANCH HNATLANG
Dt.17/0/2011(Inrinni) hian dungtlang kawngkama thing rawng hnawih leh Chhingzawl huan sam hnatlang neih tum a ni a,YMA member a thei remchang apiangte hnatlang turin kan in sawm a ni. Hnatlang turte chuan chawlian tawk a fun nise, Lallungdawhah in nghahkhawm tur a ni.

Sd/-
Secreatry
Young Mizo Association

A section te chuan Dt.6/9/2011 khan lo zawh runpui hnatlang an nei a. Mi 50 zet thawkchhuak in lo 4 an zo hman. Hnatlang a chhuak zawng zawng te chungah section hruaituten lawmthu an sawi mawlh mawlh e.

Read more »

NEWS

Goal.com in kum 2010 - 2011 a khawvela footballer che tha a thlan na ah heng a hnuai ami te hi top 10 te an ni:-
1. Lionel Messi (Barcelona)
2. Cristiano Ronaldo (Real Madrid)
3. Xavi (Barcelona)
4. Andreas Iniesta (Barcelona)
5. Radamel Falcao (Porto)
6. Nemanja Vidic (Manchester United)
7. Alexis Sanchez (Udinese)
8. Mesut Óezil (Real Madrid)
9. Edinson Cavani (Napoli)
10. Javier Hernandez (Man U)

PYKKA
Naktuk hian District Level PYKKA tournament a Khawbung RD Block aiawha kal tur ten Khawbung chhuahsan in Champhai an pan ang.

Read more »

MHIP HRIATTIRNA

Mizoram sawrkar in The prevention of food adulteration act, 1954 dan a siam tlawhchhan in leh kan khawtlang a lo thianghlim zawk nan Gudkha (Tiranga) leh a kaihhnawi ei leh in chi reng reng zuar lo turin kan in ngen a. Heng thil te hi hriselna atan pawha pawi thei anih avangin a ei ching te pawhin sim hram hram turin kan in ngen in kan inhriattir a ni e.

Secretary
Khawbung Branch MHIP

Read more »

VC HRIATTIRNA

1. Mahatma Gandhi NREGA hnuaia ni 100 inhlawhna chu ni 7 thawk tur work order hmuh a ni a. Thawk tur zawng zawng te Job card number kengin vawiin (Dt.11/9/2011) ral hma ngei in VC secretary hnenah in report tur a ni, hemi hnu a inreport chu pawm a ni lovang.
2. Kum 2012-a lo neih tur atan Bellei ram theh a ni a, lo nei duh zawng zawng ten kan neih duh zat leh chul report te VC secretary leh treasurer, Pu C.Lalpawlngheta hnenah karleh nilai (Dt.14/9/2011) ralhma in in report tur ani.
3. Sehngheta chawlhhmun, Kawipui hnuai ram hi mau hak hmun atan siam a ni a. Mipui te mau sat lo tur leh mau tuai te khawrh lo turin ngen leh hriattir kan ni e.

Read more »

HRIATTIRNA

Election branch chungchanga zawhna zawt duh te tan Toll Free No.1950 chu Deputy Commisioner Office, Election Branch, Champhai ah dah a ni a, mi tupawhin zawh duh nei chuan man chawi lovin Office hun chhungin englai pawha zawhna zawh theih reng a ni e.

Election Officer,
Champhai District

Read more »

MIZO HLAKUNGPUI MUAL

Khawbung the 11th September, 2011: Khawvel hriata kan khawtlang min pho chhuak tu, Mizo Hlakungpui Mual chu theih ang tawk a tih changtlun chhoh mek zel a ni a. Hlakungpui Mual archive building sak tum pawh tan thuai turin ruahmanna siam a ni.

  Archive Building sak enkawltu tur (Work Manager) atan Pu H.Roliana ruat a ni a. Tunah hian rawra tin 647 chhutsa teh fel tawh a ni a. Tin 1000 ruahman hmasakah chuan neih phawt tum a ni. Archive Building drawing peih fel hun hunah tan theih mai tur nin thu dawn a ni.
Tun hnaiah Research & Statistics te’n committee neiin ruahmanna hrang hrang an duan zingah Hlakungpui luahtute ruhro seng luh remchang awm a awm chuan seng luh theih turin ruahmanna siam a ni bawk.
Tuna a luahtute ni kher lo pawh mi hriat lar hla phua leh thu ziak a theih ang anga dap khawm te, Hlakungpui luahtute thlalak hlui awm thei ang ang dap chhuah leh an kut chhuak lâk khawm te chu Research & Statictics hian hmachhawpah an dah bawk.
 Dt 21-23 September, khian Pachhunga University College (Mizo Dept) hote chu Hlakungpui Mual Tourist Package huam chhung hmun pawimawh thenkhatte tlawh pahin an lo kal dawn nia thu dawn a ni. Mi 30-35 vel lo kal tura beisei an ni a. Dt 22th September Zanah KC Auditorium-ah Mizo Hlakungpui Mual Committee te nen titihona neih tur a ni dawn bawk a ni.
 Mizo Hlakungpui Mual hi a hmuna thut chilhho aiin ralkânga awm te’n an rawn vei a, a hmasawnna tur kawngah ngaihtuahna min senpuitu an tam tual tual a; a hmun thute thinlungah hian a thi tual tual ang tih a va hlauh-awm em! Hawh u, min rawn veipuitute, a rilru leh thinlung chhuang taka a hmasawnna tur rawtna rawn thlen thintu leh rawn tlawhtute tha titho tur hian kan thinlungah i tinung thar fo vang u.

Read more »

BRANCH/SECTION

Khawbung khawtlang mipui te lui dunga nungcha te humhalh hram hram turin kan in sawm nawn leh a. Tur hmanga sangha hrailo turin mitin te kan in ngen nawn leh a. Tin, sangha fuan a lo hun leh dawn tawh avangin nghafuan veng lo turin khawtlang mipui te kan in chah lawm lawm a ni. Tun huna kan thuawihna hian kan tu leh fa lo la awm turte a la tihlim dawn tih hria ila. Insum hram hram ang u.

Read more »

PREMIER LEAGUE

10th September 2011
Arsenal    vrs Swansea City 15:00
Everton     vrs Aston Villa    15:00
Manchester City vrs Wigan 15:00
Stoke City vrs Liverpool 15:00
Sunderland vrs Chelsea     15:00
Wolves vrs Tottenham 15:00
Bolton vrs Man U 17:30
Sun 11th September 2011
Norwich City    vrs WBA 13:30
Fulham    vrs Blackburn    16:00
Monday 12th September 2011
QPR vrs Newcastle 20:00
Saturday 17th September 2011
Blackburn vrs Arsenal    12:45
Aston Villa vrs Newcastle 15:00
Bolton vrs Norwich City  15:00
Everton     vrs Wigan Athletic 15:00
Swansea City    vrs West Brom 15:00
Wolverhampton vrs QPR 15:00
(A time hi Premier League official website a an dah ang anga dah a ni e.)

Read more »

MIZORAM GOVERNOR THAR LAKLUH A NI TA

Khawbung the 4th September, 2011: Mizoram Governor thar Vakkom B. Purushothaman chu nimin tlai dar 5:15  khan Raj Bhawan Durbar Hall-ah Gauhati High Court Chief Justice, Justice M B Lokur chuan rinawmna thu tiam tirin lakluh a ni ta.

Kum 83 a upa dan hremi, politician hlun, Kerala Assembly a MLA, Minister leh Speaker lo ni tawh, MP Lok Sabha leh Andaman and Nicobar Islands a Lt. Governor hna lo chelh tawh Mizoram Governor atana lakluh inkhawm tawi fel leh urhsun takah hian India President-in Mizoram Governor ni tura a ruatna chu Chief  Secretary Vanhela Pachuau chuan a chhiar chhuak hmasa a.  Gauhati High Court Chief Justice, Justice MB Lokur in saptawnga thu tiam tirin lakluh a ni ta a ni.

Larsap thar hi April ni 12, 1928 khan Vakkom khua Kerala ah a piang a, kum 1946 khan student Congress-ah lutin, 1953 khan Vakkom Panchayat hruaitu atana thlan a ni a, President DCC Thiruvananthapuram, General Secretary leh Vice President KPCC nihna te lo chelh tawhin, kum 25 chuang zet AICC member a ni tawh bawk.

Kum 1970, 1977, 1980,1982 leh 2011 ah te khan Attingal Constituency atangin MLA a thlan tlin  niin Ministerial Porfolio hrang hrang a lo enkawl tawh thin a. Kum 1982 – 1984 leh kum 2001-2004 chhung  khan Speaker Kerala Legislative Assembly  a ni a. Kum 1984 – 89 leh 1989 – 91 chhungin Lok Sabha MP a ni leh a. MP ni chung hian Chairman, Committee on Public Undertakings leh Committee on Subordinate Legislation of Parliament bakah kum 5 chhung Chairman Consultative Committee of Experts to the CIDP of Inter Parliamentary Union, Geneva a ni tawh nghe nghe a ni.
Larsap thar hi kum 1993 khan Lt. Governor, Andamans & Nicobar Islands a ruat niin kum thum vel he hna hi a thawk a. Kum 1996 khan Global Conference on the Sustainable Development of Small Island Developing States, Barbados a neih ah Indian Delegation hruaitu a lo ni tawh bawk a ni.

Larsap nupui hi Dr. Lily Purushothaman a ni a, fapa pahnih leh fanu pakhat an nei ani.

Read more »

NGENNA

Nu leh pa ten kan fa te khawsak phung ngun taka kan thlithlai a, kan enthlak a pawimawh hle mai. Dai hnai tak tak ah mi in huan thlai leh thei an thar chhuak tan a. Miin eizawnna tur atana theihtawp chhuah a an thawh laiin veng thenkhat naupang te chuan mi huan thlai lo sawisak ching an awm a. Nu leh pa ten kan fa te zirtirna tha kan pek theuh a tha khawp mai. Hetianga mi huan thlai lo sawisak ching leh mi dil a sangha man lo ching thin te pawhin a rang lama sim turin kan in ngen mawlh mawlh a ni e.

Read more »

EDITORIAL

KAN CHANGKANG EM?
Khawvel a changkang a, thiamna a pung zel bawk. Mithiam te chuan mihring thluak hnathawh angmaia hna thawk thei chip an siam chhuak der tawh mai. He chip hian mihring thluak hnathawh ang deuh chiah hian a thil tawn leh a thil hmuh te a chhinchhiah in chumi ang chuan amahin a ti thiam ve zel tawh dawn a ni.
Hetiang khawpa thiamna punna ram, kan khawvel ah hian keini Mizoram kilkhawr ber thleng hian changkanna chuan min man tawh a. TV leh mobile phone te pawh in tinah hmuh tur a awm ta. Tunah chuan rual pawlna angah kan ngai der tawh mai.
Hetiang taka kan changkan tawh lai hian an tellova kan awm theih loh thing leh mau leh nungchate humhalh kawngah chuan kan ram hian changkanna kawng kan la zawh nasa lo hle mai. YMA kumpuan Khawtlang nun siamthat nena ngaihtuah pawhin hemi kawng ah hian kan khawtlang hian tun aia nasa a hma kan sawn a pawimawh hle mai.

Read more »

G&SA HRIATTIRNA

Vawiin chawhnu inkhawm ban veleh hian Pu Lalmangchhuana te inah committee tur a ni a, member te kim taka kal tura ngen leh hriattir kan ni. Committee card a hrana siam a ni lovang. Tin, Khawbung G&SA gersy kimlo a tam hle a. A lo la/ha la submit lo zawng zawng ten a rang lama G&SA hruaitute hnena submit tura hriattir in ni bawk e. Khawbung Playground a lawi thlah thin ten PYKKA a training nana hman anih dawn avangin lo thlah tawhlo turin kan in ngen a. Tun hnu ah pawh lo thlah tawhlo turin kan ngen nghal bawk che u ani.

Secretary
Khawbung G&SA

Read more »