HRIATTIRNA

Archive Building, Mizo Hlakungpui Mual atana Work Manager tur duh a ni a, a hnuaia address-ah hian dilna theh luh theih a ni.
Dil theih hun: July 26, 2011 thleng
Lawmman = Rs.250/- per Day
Dilna-ah experience neih tawh dan ziah lan tur a ni a, Architect Drawing en thiam tura 2/3 Days Training turin Aizawl-ah diltu hi tirh tur a ni bawk. Work Manager hi tul bik thil ah in chhawk theih a ni ang.

Sd/-
H.Lalnunmawia.
Secretary

Read more »

G&SA HRIATTIRNA

Vawiin Dt.23/7/2011(Sunday) chawhnu inkhawm ban veleh hian Khawbung Games and Sport Association member zawng zawng te Pu F.Malsawmthanga te inah committee pawimawh tak neih tur a ni a. Member te kim taka kal turin kan in hriattir a ni e.

Sd/-
(T.LALTLANFELA)
Secretary

Read more »

NEWS

LCN cable TV, Champhai ten Champhai District pum huap zai thiam zawnna 'Zoawi Lelte' a buatsaih tur chu tan a ni dawn ta. He intihsiak ah hian PCS Vision leh MZI Sub-Hqtrs. Khawbung tangkawp ina Chhhaktiang Zoawi an buatsaih a Top 10-a tling chin te chu Elimination Round tel ngai lovin Top 50 ah an lut nghal dawn a ni.

Read more »

INTUAITHARNA HUN HMAN A NI

Khawbung the 24th July, 2011: Khawbung Branch YMA executive committee leh section hrang hrang hruaitu te chuan Dt.21/7/2011(Ninga) zan khan KC Auditorium-ah intuaithar na hun an hmang a. He hun hi Pu R.Vantluanga, Vice Pre. KB.Br.YMA chuan hneh takin a kaihruai a. Thusawi tha tak tak leh ngaihnawm tak tak te ngaihthlak a ni.
          Chairman Pu R.Vantluanga(Vice Pre. KB.Br.YMA) chuan Secretary Pu PC.Lalhmachhuana chu kan kalkhawm chhan leh kan hun hman dan tur tlangpui te leh puan tur tul awm te puang turin a sawm a. Pu PC.Rozika, kal khawm te Pathian hnena hlan tura a sawm zawh ah thusawi ngaihthlak a ni.
         Thusawi hmasa ber ah Dr.Vanlalrengpuia'n thupui thlan bik awm lovin a duhzawng sawina hun a hmang a. "Pawl chak leh chaklo tehna hi sum, material ngah leh activities huhang nei tak kan huaihawt ngawtah a innghat lova, pawl dinchhan leh thiltum tih hlawhtlin kawngah kan hlawhtling em, chung kan tihhlawhtlinna kawngah chuan kan member te phur taka ti turin kan kaitho zo em? tih ah hian kan teh fo tur a ni," a ti.
         Pu PC.Lalluia'n hruaitute mawhphurhna tih thupui sawiin hruaitu  ni tura thil pawimawh hrang hrang te sawiin, hruaitu te chuan hnung zuitu kan neih loh hun pawha hnual mai lova, hetiang hun hi thleng ve tur reng anih zia thiam takin a sawi a. Beidawn loh a pawimawh thu sawiin,"Mi min sawiselna te hi hruaitu te chuan that pui nan kan hmang thiam tur ani," a ti.
         Pu Lalniliana Hnamte, Pre.Kb.Br.YMA chuan 'Member te mawhphurhna' tih thupui sawiin,"Member fee kan pekin kan lungawi ringawt a, kan tihtur ti zo ah kan inngai thin. Mahse member fee kan pek hian YMA thil tum tihlawhtling tura ke kan pen tanna a ni zawk," a ti.
         Thupui then sa ngaihthlak zawh anih hnu ah kalkhawm ten intuaithar kan mamawhna lai, insiamthat kan mamawhna lai leh kan insiamthat dan tur te, kan kal leh zel na ah hma kan sawn deuh deuh theihna tur thil te sawiho in Programme hi tluang takin zan dar 10:30 velah neih zawh a ni.
          Programme hi a hlawkthlak in member kal ten tun aia hun rei zawk neih an chak hle a. Remchanga hetiang programme hman leh theih an duh hle.

Read more »

ENTU EDITORIAL

I FA TE AN HIM EM?
Khawvel a changkang chho zel a, thiamna a sang a, finna a pung zel a. Chutih rual chuan sualna pawh a pung in a sang chho ve zel bawk. Mizoram ah pawh sualna a pung in tunhma a kan hriat ngai loh thil thalo tam tak a lo chhuak ve ta.
Hmanni lawk ah Champhai District-a hmeichhe pakhat chu hrehawm taka amah awmpui tu ten an chhawr avangin chhanchhuah a ni a. Tin, India ram hmun hrang hrang ah Mizo hmeichhia nawhchizawrh luih tir te chhanchhuah an ni bawk. Thil hrechiang deuh te sawi dan phei chuan mahni duhthu ngei a hetiang lama sumdawng hi phai lamah khuan mizo thalai engemaw zat an awm an ti ani. A rapthlak hle mai.
He dinhmun hi keini khawtlang pawh hian tawk ve thei reng kan ni a. Kan chhungkua ah chhungkaw tin ten inzirtirna tha kan mamawh a. Thil  engkim anih tur ang anih tawh hnu ah hi chuan lungngaih bak hmabak kan nei thin lo. Chuvang chuan hetiang huna kan fihlim theih nan chhungkaw tin te inzirtir i uar ang u.

Read more »

LAWMTHU SAWINA

Kan chhungkua a nu berin Ni 4.7.11(Thawhtan) dar 10:10AM-a chatuan ram min pansan takah khan a damloh chhung zawng a hmangaih taka min enkawl pui tu zawng zawng te (A bik takin Khawbung PHC-a Doctor leh a staff te), thahnem ngai taka min tawngtai sak tu mimal leh kohhran ho te, tanpui kan ngaihna lai apianga mualpho lova min siamtu te leh kan lusunna min tuarpui a min hnem tu thenrual tha tak tak thalai te, nu leh pa te bakah kum upa tawh tak tak te nena vawiin ni thlenga khawhar lova min siam a hun leh tha seng tu mimal leh chhungkaw tin te thatna kan rul seng dawnlo tih kan hria. Pathian khawngaihna vang ani tih hre  reng chungin thinling takin lawmthu kan sawi tak meuh a ni.

In khawngaihna dawng tu
H.Samuela te chhung
Khawpui Veng.

Read more »

HRIATTIRNA

Vawiin chawhma inkhawm ban veleh hian Khawbung RD Block PYKKA tournament a tel tur te selection neih tur a ni a. Kum 16 chin hnuailam zawng zawng te kim taka KC Auditorium ah kal vek turin kan in hriattir e. Tin, kum tir lama G&SA tournament siam a lawmman pakhatna atanga pathumna la chin phei chu kal ngei ngei tura hriattir in ni e.

Read more »

BRANCH/SECTION

Branch YMA executive committee te leh section hruaitu te Dt.21/7/2011(Ninga) zan hian KC Auditorium-ah intuaitharna neih tur a ni dawn a. Branch executive committee te leh section hruaitu te a kim thei ang ber a kal turin kan in ngen e.

Electoral Roll a awm lo, Khawbung khawchhung a awm te dapchhuah a record na kawng ah section tin ah lengkual tur kan siam te la lengkual lo kan awm anih chuan a rang lama len tum ila a tha awm e.

Vawiin chawhnu inkhawm ban veleh hian A section leh M Section huamchhung a YMA Chhang te kumpuan bawhzuina leh intuaitharna neih tur a ni a. YMA Chhang member zawng zawng te kim taka kal vek tur a ni e. A hmun:
M-Section: KC Auditorium
A-Section : Pu J.Zothangliana te in hnuai

Read more »

NEWS

Khawbung Branch PRISM chu Ni 10/7/2011(Sunday) khan din a ni a. Heng te hi hruaitu te an ni:-
President : F.Lalrempuia
Vice President : H.Roliana
Secretary : S.Lalfaka
Asst.Secy. : R.Lalchhuanawma
Treasurer : Rozuala
Fin.Secy. : H.Lalnghinglova
Advisers’ : C.Lalzarmawia, Rohluma, F.Lalthlengliana

Read more »

BLOCK LEVEL PYKKA TOURNAMENT

Khawbung the 17th July, 2011: Kan hma lawk ah Block Level PYKKA Tournament chu kan thleng leh dawn ta reng mai. Khawbung hi bial neitu kan nih angin he tournament thleng tur hi kan ni leh dawn a. Chhung tin te pawh mikhual thleng thei turin lo in buatsaih leh tan ila a tha awm e.

          He tournament ah hian Khawbung RD Block huamchhung khaw hrang hrang atangin naupang kum 16 chin hnuailam infiammi te an lo kal khawm leh dawn a. Infiamna item hrang hrang ah intihsiak a ni anga. Heta ti tha zual te hi Khawbung RD Block aiawh in District Level ah kal tir leh an ni thin.
         PYKKA in a tum ber chu naupangte talent neih(infiamna lamah) haichhuah sak a chher hriam a ni a. Lehkha zir mai piahlamah infiamna lama an talent te haichhuah sak hi a tum ber a ni a. A bik takin thingtlang lama awm, mahni in hai kuak na tur a sum leh pai neilo ho tan phei chuan a tangkai hle ani.
         Khawbung G&SA pawhin he tournament hi kumin kum tir lam atang khan a lo ur lawk tawh a. Naupang te ah intihsiakna siam in a thi tha te pawh record fel taka neih a ni a. Heng ho bakah hian Item hrang hrang a tel tur te thlanna pawh neih a ni dawn bawk a. Heng thlanchhuah ho te hi Khawbung RD Block huamchhunga kan Coach tha ber ber ten an hrual leh dawn a ni.
         He PYKKA tournament lo awm tur ah hian khawttlang kan tanrual a ngai leh dawn hle a. Kum danga kan lo thlen tawhna ah te khaw chhehvel in min ngaisang in min dah sang hle a. Hetiang anih zel theih nan theihtawp chhuah a hnen taka kan thlen theih nan kan tan rual a pawimawh hle mai.

Read more »

ENTU EDITORIAL

KHAWTLANG NUN SIAMTHAT

YMA chuan Kumpuan thupui atan Khawtlang Nun Siamthat tih kan hmang mek a. Hemi pual hian naupang lamah programme hman a lo ni tawh a. Nula leh tlangval te nena programme hi hmang leh turin ruahmanna eng eng emaw neih mek a ni bawk a.
Kan khawtlang nun han en hian siamthat ngai tam tak a awm in a hriat a. Khawhar ina tlaivar kan tlem thin lutuk te, thlan laihna ah thlan khur a lut kan tlem lutuk thin te hian insiamthat kan mamawh zia a ti lang chiang hle awm e.
YMA member i nih a, member fee i pe anih chuan khawhar ina kal te, thlan laih te hi phut ngai hauh lova i tihtur chiangsa a ni.
Tin, tlawmngaihna chungchang ah YMA member kan nih vang chauha tlawmngai tur kan ni lova. Mizo hnam nun a tlawmngaihna hi bet tlat zawk ani tih kan hriat a pawimawh.
Nu leh pa te pawhin insiamthat kan ngai nasa hle. Kan fa te khawhar in kal turin kan ti ngai em? Tlaivar turin kan ti ngai em? Kan chhungkua ah YMA member tha ni thei turin kan in zirtir ngai em?
YMA an chak lo ti a iak iak thin te hian keimahni kan in ti mualpho mai mai ani tih kan hriat a hun tawh. YMA a mualpho chuan, a mawhphurtu chu nu leh pa te kan ni. Kan fa te thil tha hrilh a kaihhruai kan tum loh chuan YMA hi pawl chak a ni thei ngai lovang.

Read more »

LIGH & SOUND SUB-COMT.

Chairman : Pu H.Lalkunga
Secretary : Pu Lalrintluanga Hnamte
Members: Pu K.Lalmawia, Pu Samuel Malsawmtluanga, Nl.F.Rodinpuii, Pu HB.Lalnuntluanga, Pu Lalchhanhima Hnamte, Pu F.Vanlalriana (OB Incharge)
An ni ho hian a tul dan azirin member tur an sawm belh thei ang.

Read more »

BRANCH EXECUTIVE COMMITTEE NEIH A NI

Khawbung the 10th July, 2011: Dt.8/7/2011(Zirtawp) zan khan KC Auditorium ah Khawbung Branch YMA Executive Committee pawimawh tak neih a ni a. Chairman Pu Lalniliana Hnamte, Branch YMA President in hneh takin committee a kaihruai a ni.

          Khawbung leh Dungtlang inkar kawngpui dung a thing YMA rawng hnawih chu hun rei tak atang khan khaw awmdan in min bumro thin avangin tih hleihtheih lohvin a awm a. Chuvang chuan Branch Office Bearer ten a hun ruat sa lovin khaw awmdan azirin hnatlang ko mai tura tih a ni. YMA Member te pawh hnatlang thei tura kan in rin a tha awm e.
         Khawbung Branch YMA chuan Light & Sound lamah thil thar tha tak tak kan neih belh zel a. Heng te hi chhe mai thei anih avangin leh uluk taka enkawl ngai a nih avangin  tlem a hetiang lam chinchang hre deuh te enkawl tu tur in ruat tha tih a ni a. Ligh & Sound Committee din a ni a. An ni hian Information te, Guiter te, Hlabu, Generator, Khuang, Soundbox, Amplifire(hei hian Branch YMA in section hrang hrang a a kawl tir te a huam ang) leh Electric hmanrawn chi hrang hrang te an enkawl dawn ani.
         Information hman dan chungchang ah khawtlang ina lungrual taka kan thawh chhuah tlan anih avangin a au man hi a free a tih mai duhna a awm a. Amaherawhchu Electrict Bill te, leh Khawl thil enkawlna tur ah sum mamawh a awm thin avangin vawikhat au ah Rs.20 thawh thin ni se. Au man hi Nl.F.Rodinpuii’n tlawmngaiin lo lakhawm thin se tih a ni bawk.
         Tin, hetih rual hian KC Auditorium hmang thin tu ten electrict bill, distilled water leina leh thil dang eng eng emaw ah hman duhna a awm thin avangin a hman hawh man hi bengvar chhuah a Rs.50 pek thin a tha hle bawk.

Read more »

MHIP DAY LAWM A NI DAWN

Khawbung the 3rd July, 2011: Mizo Hmeichhe Insuihkhawm Pawl(MHIP) day vawi 37-na chu 6th July, 2011(Nilai ni) hian Mizoram hmun hrang hrang ah lawm tur a inbuatsaih mek a ni a. Khawbung ah pawh MHIP day hi lawm turin inbuatsaihna kalpui mek a ni.

          MHIP Day lawmna tur Programme pawh siam zawh tawh a ni a. Khawbung Community Hall ah Programme hi hman a ni dawn a ni.

Chawhma Programme(10:00AM)
Chairperson: Pi Vanramthangi(Pre)
Tantu: Pi Darkhumi
Tanna hla: Aw Lalpa I malsawmna hlu
Solo:Nl.Lalnunthari,  Nl.Zaithanchhungi, Nl.Lalneihsangi, Nl.Lalsangkimi
Thuthlung sawirual: Nl.Sainguri(Tre)
Member Boral sunna: Pi R.Lalbiakzami
Group Report: Group tin atangin
Thupui: Mizo Hmeichhe nun mawi chhawm nun
Sawitu: Pu F.Vanlalriana (Sen.Adv.)
Branch Report: Branch Secretary
Thusawi: Pi Lalchhandami (Vice Pre)
Lengkhawm zai intihsiak : Awmkhua harin lung a leng e(Hla thar bu no 311)
Thusawi : A duh apiang tan
Chawhma programme hman zawh hian thingpui in ho na neih a ni ang.

Chawhnu Programme
Chairperson : Nl.Zaikungi(Fin.Secy)
Drama: Pi Hmuaki Group
Solo : Pi Marina Vanhriatpuii
Intihsiak : Parlam
Intihhlimna : Hrui pawh, Musical chair, Thleng chhipchhuan(Kum 50 chunglam), Kawi kah(kum 50 chunglam), Dead Ball, In ball vawm.
          MHIP Day hmang tur hian a peih a piang sawm kan ni a. Tin, Day hmang tur a kal ten tanpui ngai te tanpuina tur thawhlawm mahni remchan ang ken tur a ni bawk e.

Read more »