BRANCH EXECUTIVE COMMITTEE NEIH A NI

Khawbung the 10th July, 2011: Dt.8/7/2011(Zirtawp) zan khan KC Auditorium ah Khawbung Branch YMA Executive Committee pawimawh tak neih a ni a. Chairman Pu Lalniliana Hnamte, Branch YMA President in hneh takin committee a kaihruai a ni.

          Khawbung leh Dungtlang inkar kawngpui dung a thing YMA rawng hnawih chu hun rei tak atang khan khaw awmdan in min bumro thin avangin tih hleihtheih lohvin a awm a. Chuvang chuan Branch Office Bearer ten a hun ruat sa lovin khaw awmdan azirin hnatlang ko mai tura tih a ni. YMA Member te pawh hnatlang thei tura kan in rin a tha awm e.
         Khawbung Branch YMA chuan Light & Sound lamah thil thar tha tak tak kan neih belh zel a. Heng te hi chhe mai thei anih avangin leh uluk taka enkawl ngai a nih avangin  tlem a hetiang lam chinchang hre deuh te enkawl tu tur in ruat tha tih a ni a. Ligh & Sound Committee din a ni a. An ni hian Information te, Guiter te, Hlabu, Generator, Khuang, Soundbox, Amplifire(hei hian Branch YMA in section hrang hrang a a kawl tir te a huam ang) leh Electric hmanrawn chi hrang hrang te an enkawl dawn ani.
         Information hman dan chungchang ah khawtlang ina lungrual taka kan thawh chhuah tlan anih avangin a au man hi a free a tih mai duhna a awm a. Amaherawhchu Electrict Bill te, leh Khawl thil enkawlna tur ah sum mamawh a awm thin avangin vawikhat au ah Rs.20 thawh thin ni se. Au man hi Nl.F.Rodinpuii’n tlawmngaiin lo lakhawm thin se tih a ni bawk.
         Tin, hetih rual hian KC Auditorium hmang thin tu ten electrict bill, distilled water leina leh thil dang eng eng emaw ah hman duhna a awm thin avangin a hman hawh man hi bengvar chhuah a Rs.50 pek thin a tha hle bawk.

    Electoral Roll a awm lo, Khawbung khawchhung a awm te dapchhuah a record fel tak leh mumal taka neih tha tih a ni a. Section tin ah lengkual tur in siam a ni in Dt.16/7/2011 ral hma a record felfai taka neih hman tum a ni.
           Kumpuan bawhzuina programme kan hman kal mek ah Kum 19 chunglam te tan hun remchang hmasa berah programme siam leh tum a ni a. Tin, hemi hma hian Branch YMA executive committee te leh Section hruaitu te kumpuan bawhzuina atan leh intuaithar nan Dt.21/7/2011 (Ninga) zan hian Programme hman a ni bawk ang.
      Khawtlang nun siamthat na kawnga kan khawtlang in chak zawk a hma kan sawn theih nan Khawbung a Kohhran hrang hrang teDt.16/7/2011(Inrinni) zan ah mahni kohhran theuh ah Kumpuan pual a tawngtai na nei tura ngen tum a ni bawk.
       Ceramic Board(Chhiat tawk an awm a mitthi hming tarna) chu Section tin hnenah pakhat theuh kawl tir an ni bawk ang. Tin, Lengkhawm Hlabu 12 leh tui chhawpna tur bottle 12 lei fel a ni tawh bawk.

Posted in: Khawbung