Sunday, August 28, 2011
Samuel
Kan Doctor Pu Vanlalrengpuia Chinzah chu Aizawl lamah Office lam pawimawh avang leh Mizo Hlakungpui Mual thil pawimawh buaipui in a zin mek a. A thil tih tum te tluang taka a tih theih kan beisei e.
CHANCHINBU MAN
Khawvel changkang zel ah ENTU pawh kan Branch hruaitu fel tak tak te hmalakna avangin a changkang chho ve zel a. Kan changkan chhoh rual in thil man pawh a pung chho zel bawk. Hemi anih avang hian ENTU enkawl pawh a hautak sawt hle a, sum kan indaihlo a ni tan der mai. A hminga a enkawl tu te chuan Rs.10 tal a a man tih san hi a hun tawh in a tul kan ti hle a. Amaherawh chu Branch executive committee in ngun taka a ngaihtuah hnu ah mipui rawngbawlna anih avangin a man ti pung lova a theih chen chen kalpui turin min ti ta a.
Hetiang anih mek lai hian chanchinbu la tu pawh a kum tel in kan pung chho a. Kumin ah pawh kum tir lam ai in tunah hian copy 30 zet in a pung tawh a. Chutih rual erawh chuan a man pek chungchang ah mi tam tak ten thahnem min ngaihpui viau laiin thenkhat erawh chuan a man an pe thalo hle mai a. A copy a tam avang in kan sum sen a tam lo thei silo va. Chuvang chuan thlathar atang hi chuan thla thum man ba te chu kan in pe thei tawh dawn lova. Khawngaih taka min lo hrethiam turin kan duh che u ani.
Hetih rual hian a man ba la nei ten lo ngaihtuah a khawngaiha a man lo pe tla hram hram turin kan ngen nghal bawk che u a. Thla tin a a sang tel takmeuh sen kan ngaih avangin a man pek lama tan min lakpui turin kan ngen takmeuh meuh che u ani. Tin, kuhva khawr Rs.10 a kan lei theih laia ENTU man Rs.5 lek lo neih theih loh pawh hi zahthlak ah i ngai ang u khai. Hma i sawn teh ang u.
Hetiang anih mek lai hian chanchinbu la tu pawh a kum tel in kan pung chho a. Kumin ah pawh kum tir lam ai in tunah hian copy 30 zet in a pung tawh a. Chutih rual erawh chuan a man pek chungchang ah mi tam tak ten thahnem min ngaihpui viau laiin thenkhat erawh chuan a man an pe thalo hle mai a. A copy a tam avang in kan sum sen a tam lo thei silo va. Chuvang chuan thlathar atang hi chuan thla thum man ba te chu kan in pe thei tawh dawn lova. Khawngaih taka min lo hrethiam turin kan duh che u ani.
Hetih rual hian a man ba la nei ten lo ngaihtuah a khawngaiha a man lo pe tla hram hram turin kan ngen nghal bawk che u a. Thla tin a a sang tel takmeuh sen kan ngaih avangin a man pek lama tan min lakpui turin kan ngen takmeuh meuh che u ani. Tin, kuhva khawr Rs.10 a kan lei theih laia ENTU man Rs.5 lek lo neih theih loh pawh hi zahthlak ah i ngai ang u khai. Hma i sawn teh ang u.
BRANCH/SECTION
Pi B.Lalthuami, Saron Veng, Aizawl chuan Khawbung Branch YMA tan hlabu pathum, Lusun hnemtu tih leh Lunglen Hlabu(2) min pe a. Kan lawm hle.
NGENNA
Khawbung khawtlang mipui te lui dunga nungcha te humhalh hram hram turin kan in sawm nawn leh a. Tur hmanga sangha hrailo turin mitin te kan in ngen nawn leh a. Tin, sangha fuan a lo hun leh dawn tawh avangin nghafuan veng lo turin khawtlang mipui te kan in chah lawm lawm a ni. Tun huna kan thuawihna hian kan tu leh fa lo la awm turte a la tihlim dawn tih hria ila. Insum hram hram ang u.
P & E DEPARTMENT AH PROJECT CONSTRUCTION DIVISION, KHAWBUNG A PIANG TA
Khawbung the 28th August, 2011: Tlawva Mini Hydel Project hna thawhtan tak tak a ni dawn ta. Dt.25.8.2011(Ningani) khan Engineer in Chief Pu CL.Thangliana a lo kal a, ani bakah hian hotu lian tak tak Pu L.Pachuau CE(Distribution), Pu F.Rualzakhuma SE Champhai, Pu N.Ranjit Singh SE(Project Circle II), Pu Laltlanthanga E.O to E in C, Pu Lalnithanga EE Champhai, Pu C.Lalsawmliana EE PCD Khawbung, Pu H.Rothuama Dy.Dir(Administration), Pi Lalthanpuii Jt.Dir(Account), Pu RC.Lalzuiliana SDO PCD Khawbung, Pu SR.Khama SDO Champhai te an rawn kal bawk.
Engineer in Chief leh a hote lokal hi Khawbung khawtlang hruaitute bakah Zawlsei, Khuangthing leh Dungtlang VC ten Dungtlang Police Check post ah lo hmuak in thingpui an inpui a. Chumi hnuah Project Construction Division hmun tur rawn tlawh nghal in Khawbung khawtlang in ram tha tak an pek chu lawmawm a tih thu Engineer in Charge hian a sawi a ni.
Tourist lodge ah VC te leh YMA hruaitu te kawm leh in Dt.24.8.2011-a project construction division Khawbung a pian thu a hrilh a. Contractor leh Department mi chi hrang hrang an rawn awm dawn avangin thawhhona tha a awm theih ngei na tura tan la turin Engineer in Charge chuan kan khawtlang hruaitu te a ngen a ni.
Kan khawtlang mamawh chi hrang hrang Electrict eng kan hmuh that loh chungchang te, RGGVY-a extension chungchang leh thil tul dang te pawh Engineer in charge hnenah hian thlen nghal a ni a. Dt.26.8.2011 khan Khuangthing lamah zing chaw ei tur leh Tlawva a tuikhuahna hmu turin Khuangthing-ah an phei a, chhun ah lo let leh in an haw tlang nghal a ni.
Tourist lodge ah VC te leh YMA hruaitu te kawm leh in Dt.24.8.2011-a project construction division Khawbung a pian thu a hrilh a. Contractor leh Department mi chi hrang hrang an rawn awm dawn avangin thawhhona tha a awm theih ngei na tura tan la turin Engineer in Charge chuan kan khawtlang hruaitu te a ngen a ni.
Kan khawtlang mamawh chi hrang hrang Electrict eng kan hmuh that loh chungchang te, RGGVY-a extension chungchang leh thil tul dang te pawh Engineer in charge hnenah hian thlen nghal a ni a. Dt.26.8.2011 khan Khuangthing lamah zing chaw ei tur leh Tlawva a tuikhuahna hmu turin Khuangthing-ah an phei a, chhun ah lo let leh in an haw tlang nghal a ni.
INFIAMMITE TAN
-Utea
PYKKA kan thlen meuh chuan a khawpui zawk fiahin kan awm kan nihna a lang ta uarh uarh mai, infiammite leh Games & Sports lam kan in enfiah a ngai khawpin ka lo hre ve mai mai a, tlemin selna awka kan thai lang ve teh ang. Infiamna leh thil chi hrang hrangah min phaklo tu turte lah kan hnuaia awm zawk tur ni a ka lo ngaih thin ten min leh pel ta tlat. result hrang hrangte han en hian Khawbung khua kan nih avanga kan inchhuanna tur a vang ta hle mai. Kum tin PYKKA Tournament a awm thin tih kan hre vek a, a lo thlen hma atanga lo inpuahchah kan awm lo nge maw ni dawn ni, Item hrang hrangah kan phak lohna a nasa mah mah, nakum lamah chuan tan la tharin a Block thuthmuna awmte hi chuan Pakhatna nih in tum ve teh ang. District Level-a chhuak tur pawh kan khua atang hian tam zawk awm a hun a ni. Kan zahve pawh tluk pha lo Dungtlang kan han tluklo ringawt mai hian tanlakna thinlung thar min pe mawlh teh se. Infiammiten tournament thlen dawnah chauh exercise la mai mai lovin, telve kan tum tak tak a nih chuan inpuahchahna tha i nei tlang teh ang. Kan thenawm mai Khuangthing khua pawn chawlhkar thum inpuahchahna an nei thei a nih chuan kan thei ve chek ang. Thawhthut fit mai mai pawha heti chen kan thleng a nih phawt chuan a aia sang hi kan hma lawkah a awm tih hriain tan in la leh sauh teh ang.
PYKKA kan thlen meuh chuan a khawpui zawk fiahin kan awm kan nihna a lang ta uarh uarh mai, infiammite leh Games & Sports lam kan in enfiah a ngai khawpin ka lo hre ve mai mai a, tlemin selna awka kan thai lang ve teh ang. Infiamna leh thil chi hrang hrangah min phaklo tu turte lah kan hnuaia awm zawk tur ni a ka lo ngaih thin ten min leh pel ta tlat. result hrang hrangte han en hian Khawbung khua kan nih avanga kan inchhuanna tur a vang ta hle mai. Kum tin PYKKA Tournament a awm thin tih kan hre vek a, a lo thlen hma atanga lo inpuahchah kan awm lo nge maw ni dawn ni, Item hrang hrangah kan phak lohna a nasa mah mah, nakum lamah chuan tan la tharin a Block thuthmuna awmte hi chuan Pakhatna nih in tum ve teh ang. District Level-a chhuak tur pawh kan khua atang hian tam zawk awm a hun a ni. Kan zahve pawh tluk pha lo Dungtlang kan han tluklo ringawt mai hian tanlakna thinlung thar min pe mawlh teh se. Infiammiten tournament thlen dawnah chauh exercise la mai mai lovin, telve kan tum tak tak a nih chuan inpuahchahna tha i nei tlang teh ang. Kan thenawm mai Khuangthing khua pawn chawlhkar thum inpuahchahna an nei thei a nih chuan kan thei ve chek ang. Thawhthut fit mai mai pawha heti chen kan thleng a nih phawt chuan a aia sang hi kan hma lawkah a awm tih hriain tan in la leh sauh teh ang.
NEWS
Independence Day chu Khawbung-ah tluang taka hman zawh a ni a. He ni denchhena buatsaih Independence Day Volleyball Tournament-ah Khawbung G&SA chu an champion a. Tin, Independence Day Shooting Competition lamah pawh mi 30 vel bawr an tel thei a. He competition ah hian 1-na Pu B.Siamhnuna, 2-na Pu B.Lalrosiama, 3-na Pu C.Lalchhanchhuaha te an ni. He competition buaipui tu Khawbung Shooting Club te chuan an beisei aia competition ahlawhtlin thu leh tel an tam thu an sawi.
Block Level Tournament a titha zual ten Champhai-a District level tournament ah Khawbung RD Block aiawhin an kal leh dawn a. Heng kal tur thlanchhuah te hian Khawbung-ah training an nei hmasa leh dawn ani.
C.Lalmuanawma S/o Pu C.Lalsuiha, Bahzar Veng chuan Delhi University atangin MSc.(Physics) tha tak in a passed a. Entu chuan kan lawmpui takzet a ni.
NOVEMBER NI 5 AH FACEBOOK TAWP DAWN?
Khawbung the 21st August, 2011: Khawvel a Social networking site lar em em, keini Mizoram khawchhak tawp Khawbung thlenga kan lo hmelhriat ve Facebook chu hackers pawl pakhat, Anonymous inti te chuan November ni 5 ah tihtawp an tum thu an puang ta hmiah mai le. An hack tum dan thlengin an sawilawk sa a ni.
Anonymous te chuan facebook enkawltu te hian ram hrang hrang sawrkar hruaitu te hnenah mimal chanchin an hralh ni a puh in facebook hi tihtawp(hack) sak an tum ta niin an sawi.
Facebook hi 2004 February thla atang khan tihchhuah tan a ni a. Tunah hian mi maktaduai 750 in an hmang mek a. Engtik lai pawhin mi nuaih 10 vel online reng anga chhut a ni.
Hetianga site lar em em siamtu, billionair naupang ber ni lai Mark Elliot Zuckerberg hi facebook hmangtu tam zawk hriatloh a ni. Kum 1984 ah a lo pianga a. Middle school a kal lai atangin a nu leh pa ten computer programming zirtir tur in programmer lar tak pakhat an ruai tawh a. Amah hi hacker lar leh thiam em em a ni bawk. Tin, a thawhpui te ho hi Havard University a computer a zir pui te, a thian tha tak tak te an ni hlawm bawk.
Hemi anih avang hian hacker ho lo dan theihna tur chu Mark-a leh a team te hian an siam thei tura ngaih a ni a. Amaherawhchu Anonymous ho hi an inring tawk in an tum ruh hle a. A ni leh thla leh an hack tum dan thlenga sawilawk sa annih avang hian khawvel ngaihven a hlawh a. November ni 5 a thil lo thleng tur an chang ta thuap mai a ni.
Facebook bakah hian internet atanga thil hralchhuahna site lian Amazon pawh Anonymous te hian hack an tum bawk a. Heng site pahnih te hi an hack thei angem? Khawvel website a security nei tha ber a chhal ngam facebook hi an hack thei angem? An hack thei emaw, an hlawhchham anih pawhin khawvel history a ni dawn hrim hrim. An hack thei anih vaih chuan a siamtu te mai an buai dawn lova, facebook hmangtu mi maktaduai 700 tal hi chu an buai ngei dawn e.
Anonymous te chuan facebook enkawltu te hian ram hrang hrang sawrkar hruaitu te hnenah mimal chanchin an hralh ni a puh in facebook hi tihtawp(hack) sak an tum ta niin an sawi.
Facebook hi 2004 February thla atang khan tihchhuah tan a ni a. Tunah hian mi maktaduai 750 in an hmang mek a. Engtik lai pawhin mi nuaih 10 vel online reng anga chhut a ni.
Hetianga site lar em em siamtu, billionair naupang ber ni lai Mark Elliot Zuckerberg hi facebook hmangtu tam zawk hriatloh a ni. Kum 1984 ah a lo pianga a. Middle school a kal lai atangin a nu leh pa ten computer programming zirtir tur in programmer lar tak pakhat an ruai tawh a. Amah hi hacker lar leh thiam em em a ni bawk. Tin, a thawhpui te ho hi Havard University a computer a zir pui te, a thian tha tak tak te an ni hlawm bawk.
Hemi anih avang hian hacker ho lo dan theihna tur chu Mark-a leh a team te hian an siam thei tura ngaih a ni a. Amaherawhchu Anonymous ho hi an inring tawk in an tum ruh hle a. A ni leh thla leh an hack tum dan thlenga sawilawk sa annih avang hian khawvel ngaihven a hlawh a. November ni 5 a thil lo thleng tur an chang ta thuap mai a ni.
Facebook bakah hian internet atanga thil hralchhuahna site lian Amazon pawh Anonymous te hian hack an tum bawk a. Heng site pahnih te hi an hack thei angem? Khawvel website a security nei tha ber a chhal ngam facebook hi an hack thei angem? An hack thei emaw, an hlawhchham anih pawhin khawvel history a ni dawn hrim hrim. An hack thei anih vaih chuan a siamtu te mai an buai dawn lova, facebook hmangtu mi maktaduai 700 tal hi chu an buai ngei dawn e.
HRIATTIRNA
Naktuk zing dar 7 hian Independence Day Zawlbuk tualah hman a ni dawn a, sawrkar hnathawk leh zirlai zawng zawngte kal vek turin kan in hriattir a, he hunah hian Independence Day Volley Ball tournament Final Khawbung H/S leh Khawbung G&SA ten an khel nghal ang. Khawtlang mipui zawng zawngte kal vek turin kan in sawm a ni e.Tin, Chawhma dar 10 a tan turin Shooting Competition Community Hall kawtah neih a ni dawn a,tel tum zawng zawng te kim tak a kal vek tur a hriattir in ni e.
KEIMAHNI
Kan News Editor Pu H.Zothansanga chuan fapa duhawm tak a nei ta. Kan lawmpui hle.
Chawlhni hmasa khan ENTU printer chiangkuan loh avangin kan chhut zawh sa vek kan ti chhuak thei lova. Chhiartu te ngaihdam kan dil e.
LAWMTHU SAWINA
PYKKA Block Level Competition, 2011 chu hlawhtling takin 2nd - 6th August, 2011 chhungin zawh a lo ni leh ta. He Competition hlawhtlinna tura tha leh zung tam tak sengtu Technical Board member ta, G&SA, JAC leh VC, Khawbung te chungah lawmthu kan sawi a. Tin, he Competition a lokal infiammite duat taka lo mikhual tu tualchhung nu leh pa te zawng zawng chungah pawh lawmthu kan sawi mawlh mawlh a ni.
Sd-/ LALROHLUA
Chairman
Block Level PYKKA Committee
Khawbung RD Block
Chairman
Block Level PYKKA Committee
Khawbung RD Block
ENTU EDITORIAL
KAN MAWI EM
Kan khua ah mikhual an rawn kal teuh mai, min hmuh danah hian Khawbung khua hi kan mawi angem tih hi zawhna pawimawh tak, keimahni khua tan chuan chhan mai har tak tur, mikhuate tan erawh chuan chhan nuam tak tur a ni.
Mikhual kan lo lawm danah leh kan phungthluk danah te chuan sawi selna tur kan awm lo mai thei, mahse, mikhual an nih chhunga kan awm dan hian khaw lian ka nihna hi a keng ngei tur a ni. Mikhual tlangval an nih avanga sual kan chak tlatna leh tihbuai kan chak tlatna thinlung te, hmuhsit deuh leh deuh hram kan chakna rilrute hi chu a pui a pang, a lian a te, harfim leh harfim lote pawh hian kan paih a hun ta hle mai. Hall a awm khawm kan zo dawn lo a nih a, mi kan tibuai chak dawn a nih chuan mahni inthiar fihlim na chang kan hriat a hun a tak zet zet a ni.
Khawbung khawtlangin Hall chhunga zial kan han zu miah lo mai erawh kha chu hmuh anuam hle mai, chhawmnun zel i tum mawlh teh ang.
Hall chhung pun khawmna hmunah a bengchheng leh mite tana hrehawm siamtu kan ni ve lo leh ar mit tet khuan a khuang kan tam ve lote kha a lawmawmin chhawmnun zel i tum ang u.
HRIATTIRNA
Khawbung-a Foreigner/Burma mi, Epic nei lo(Vote neilo) zawng zawng te, mi in luaha khawsa leh mi hnena inhlawhfa a awm zawng zawng te vawiin chawhnu inkhawm ban veleh hian KC Auditorium ah kim taka kal vek tura hriattir in ni e. A kallo te chu in chungah eng pawh thleng se in sawibuai thei lovang.
GET READY
Independence Day pual in Khawbung ah Shooting(Airgun) inkahsiakna neih tur a ni a. A duh apiang tan tel theih a ni ang. Hrechiang duh tan Pu HB.Lalnuntluanga(Utea), Pu Samuel Malsawmtluanga leh Pu C.Lalchhanhhuaha hnenah zawhfiah theih a ni e. Airgun hi thiante ta pawh hman theih a ni ang.
HEALTH CARE SCHEME
Health Care Scheme chuan kum 2011 September atanga August 2012 inkara damlohna tawk te tan an in enkawlna an bill let leh theih na tur ruahmanna chu tih leh theih a ni dawn ta a. Hetiang hian Enrolment Khawbung Sub-Center ah tih tur a ni.
BPL leh AAY tan chungkaw member 5 chinah Rs.30, member 5 aia tam ah Rs.30 bawk chawi a ngai a. An ni hian cheng nuai 3 thleng an bill thei ang.
APL tan Cheng nuai khat chin bill tur tan chhungkaw member 5 chinah Rs.500 a ngai a, member panga aia tam ah chuan member pakhat zel ah Rs.100 belh chhoh tur a ni ang.
BPL leh AAY tan chungkaw member 5 chinah Rs.30, member 5 aia tam ah Rs.30 bawk chawi a ngai a. An ni hian cheng nuai 3 thleng an bill thei ang.
APL tan Cheng nuai khat chin bill tur tan chhungkaw member 5 chinah Rs.500 a ngai a, member panga aia tam ah chuan member pakhat zel ah Rs.100 belh chhoh tur a ni ang.
APL tan cheng nuai 2 thlenga bill duh tan chhungkaw member 5 chinah Rs.750 zel a ni a, member 5 aia tamah member pakhat belh zel ah Rs.200 a ngai ang.Member 6 ah chuan Rs.950 a ngai dawn anih chu.
APL tan cheng nuaih thum thleng bill tur tan member 5 chinah Rs.1000 a ngai a, panga chunglam ah member pakhat ah Rs.300 zel belh a ngai ang.
BPL/AAY tan hian enrolment fee a ngai lova. Mahse thlalak nena card siam na man Rs.30 a ngai dawn a ni. Tin, thlalak leh kutzia lakna ah hian chhungkaw member tel vek tur a ni, an tello anih chuan damlohna an tawh pawhin bill ve theih a ni lo ang. BPL tan hian hospital a admit ngai zawng zawng tan deuhthaw a bill theih a, mahse zu leh mipat hmeichhiat hman khawloh vanga admit ngai te a huamlo ang. APL ah hi chuan natna khirhkhan enkawl hautak chin chauh a huam ang. Enrolment hi August ni 1 atangin tan theih a ni a, September ni 1 thleng hun hawn a ni. Hrechiang duh chuan Sub-Center ah emaw, ASHA te hnenah zawhfiah theih a ni ang.
APL tan cheng nuaih thum thleng bill tur tan member 5 chinah Rs.1000 a ngai a, panga chunglam ah member pakhat ah Rs.300 zel belh a ngai ang.
BPL/AAY tan hian enrolment fee a ngai lova. Mahse thlalak nena card siam na man Rs.30 a ngai dawn a ni. Tin, thlalak leh kutzia lakna ah hian chhungkaw member tel vek tur a ni, an tello anih chuan damlohna an tawh pawhin bill ve theih a ni lo ang. BPL tan hian hospital a admit ngai zawng zawng tan deuhthaw a bill theih a, mahse zu leh mipat hmeichhiat hman khawloh vanga admit ngai te a huamlo ang. APL ah hi chuan natna khirhkhan enkawl hautak chin chauh a huam ang. Enrolment hi August ni 1 atangin tan theih a ni a, September ni 1 thleng hun hawn a ni. Hrechiang duh chuan Sub-Center ah emaw, ASHA te hnenah zawhfiah theih a ni ang.
NEWS
Kan VCP hnen atanga thu kan dawn danin Khawbung khua-ah 33KV Sub-Station mai nilo 132 KV Sub-Sattion kan nei zawk dawn tih kan lo hria a, kan lawm hle mai. Tin, Tlangtlir tlanga Water Reservoir siamna tur cheng nuaih 9(Kua) pawh contractor kuta lut lovin khawtlangin siam theih turin a rawn ti fel bawk a ni. Tin, Ministry of DoNER atangin Water Supply Scheme atan cheng vaibelchhe 7 leh nuai 22 kan dawng dawn bawk.(Source:Zozam Times.org)
COTPA hmalaknain Khawbung khaw chhunga sawrkar in pawimawh zawng zawngah leh vantlang pun khawmna hmunahte meizial zuk kapna signboard tar vek tum a ni. He hmalakna zahawm tak mai hi tha taka zawmin Community Hall-a kan punkhawmna hmunah pawh meizial zu reng reng hmuhtur an awm lova, a lawmawm takzet a ni.
Tv PC Laltlanzuala S/o L Roliana Pathian veng chu Baptist HSS ah IT Dept.Lecturer hna a hmu thar a kan chhuang hle.
PYKKA TOURNAMENT ZAWH A NI TA
Khawbung the 14 th August, 2011: Dt 2nd - 6th August, 2011chhungin khawtlangah buaina leh hartsatna awm lovin BlocK Level PYKKA Tournament chu tluang takin Khawbung khua-ah neih zawh a ni ta, Kan infiam mite an fak awmin an inpekna pawh a fakawm, kum lo la awm turah erawh insiam that hret a ngai thung.
Dt 2.08.2011 ah Khawbung field ah hawnna hun neih a ni a, hawnna hunah hian kan Branch President Pu Lalniliana Hnamte chu khuallian niin infiammite tana fimkhur a ngaih thu leh nun uluk a ngaih thute, khawtlang tana mi hmantlak nithei tura nun hmang tura chah chung leh infiamna beihna kawngah pawh rim taka thawk a, ruihtheihthil laka fimhlim tura chahin he tournament hi a hawng a, chumi hnuah chuan infiamna tan nghal a ni.
Kan G&SA hruaitu lam te infiamna kawng hrang hrangah hma lain a sulsutu anni zel kha a thlamuan thlakin an naute tan pawh a thlamuan thlak khawp nag. Kan VC lamte pawh a neitu a nih inhre tak a an naute infiamzo Coupon nena an lo hmuak han hmuh zet kha chuan Khawbung khaw infiammi nih kha a hlu tak zet zet a ni.
PYKKA tournament ah hian khaw 19 atangin infiammi 420 zet an lo tel thei a ni. He tournament-ah hian infiamna decipline hrang hrang panga Athletics, Boxing, Basketball, Volleyball leh Football hmangtea in tihsiak a ni a, a pumpuiah Dungtlang pakhatna niin Vaphai pahnihna an ni a, Khuangthing pathumna niin Khawbung khua chu palina kan ni phak hram a ni.
Mipuiten hmuhnawm kan tih em em Boxing lamah Khawbung kan che tha hle a, Pakhatna kan hauh phak a ni. Training erawh neih uluk deuh a la ngai ang.
Closing Function hi 6.8.2011 ah Zawlbuk tualah neih niin lawmman sem a ni. Khawbung mipuiten hlutthiam taka hun tawp thleng kan awm khan kan khawtlang kan puitlin zia a tilang chiang hle mai. Khatiang kan nunze mawi tak kha kalsan mai lovin kha aia mawi khan i parvul tir leh zel ang u.
Dt 2.08.2011 ah Khawbung field ah hawnna hun neih a ni a, hawnna hunah hian kan Branch President Pu Lalniliana Hnamte chu khuallian niin infiammite tana fimkhur a ngaih thu leh nun uluk a ngaih thute, khawtlang tana mi hmantlak nithei tura nun hmang tura chah chung leh infiamna beihna kawngah pawh rim taka thawk a, ruihtheihthil laka fimhlim tura chahin he tournament hi a hawng a, chumi hnuah chuan infiamna tan nghal a ni.
Kan G&SA hruaitu lam te infiamna kawng hrang hrangah hma lain a sulsutu anni zel kha a thlamuan thlakin an naute tan pawh a thlamuan thlak khawp nag. Kan VC lamte pawh a neitu a nih inhre tak a an naute infiamzo Coupon nena an lo hmuak han hmuh zet kha chuan Khawbung khaw infiammi nih kha a hlu tak zet zet a ni.
PYKKA tournament ah hian khaw 19 atangin infiammi 420 zet an lo tel thei a ni. He tournament-ah hian infiamna decipline hrang hrang panga Athletics, Boxing, Basketball, Volleyball leh Football hmangtea in tihsiak a ni a, a pumpuiah Dungtlang pakhatna niin Vaphai pahnihna an ni a, Khuangthing pathumna niin Khawbung khua chu palina kan ni phak hram a ni.
Mipuiten hmuhnawm kan tih em em Boxing lamah Khawbung kan che tha hle a, Pakhatna kan hauh phak a ni. Training erawh neih uluk deuh a la ngai ang.
Closing Function hi 6.8.2011 ah Zawlbuk tualah neih niin lawmman sem a ni. Khawbung mipuiten hlutthiam taka hun tawp thleng kan awm khan kan khawtlang kan puitlin zia a tilang chiang hle mai. Khatiang kan nunze mawi tak kha kalsan mai lovin kha aia mawi khan i parvul tir leh zel ang u.
